Die Wes-Kaap Onderwysdepartement het verneem dat die 1%-kerfverhoging met ingang van 1 Julie 2003 net van toepassing was op opvoeders wat nie enige vorm van salarisaanpassing gedurende die voorafgaande 12 maande ontvang het nie. Daar is ook vasgestel dat opvoeders wat op ‘n persoonlike of maksimum kerf is nie vir die 1% kerfverhoging kwalifiseer nie. In gevalle waar die 1%-kerfverhoging verkeerdelik toegeken is en sodoende ‘n oorbetaling veroorsaak het, sal dit reggestel word. Sulke opvoeders sal individueel skriftelik in kennis gestel word van die oorbetaling.

Kerfverhogings is slegs van toepassing op opvoeders wat op salariskerwe binne hulle toepaslike salarisskale is.

Opvoeders op persoonlike kerwe (tussen twee toepaslike salarisvlakke) en ook diegene op die maksimum (16de) kerf van ‘n salarisvlak, kwalifiseer vir ‘n graadvordering op 1 Julie 2004.

Opvoeders op ‘n hoër kerf as die toepaslike salarisskaal kwalifiseer nie vir enige verdere kerfverhogings terwyl hulle nog die betrokke poste beklee nie, maar kwalifiseer wel vir jaarlikse salarisaanpassings.

Bring asseblief die inhoud van hierdie omsendbrief onder die aandag van alle opvoeders.

GETEKEN: J.H. HURTER
HOOF: ONDERWYS
DATUM: 2003:10:09