| 1. |
Tot dusver het die WKOD die voorskrifte vervat in Vervoer-omsendminuut Nr.2 van 1996 toegepas om die enjinslagvolume voertuie wat gehuur mag word te bepaal. |
| 2. |
Die Nasionale Departement van Vervoer het nou voormelde omsendminuut herroep en ingevolge die Wet op Openbare Finansiële Bestuur, 1999 (Wet Nr. 1 van 1999) soos gewysig en die Nasionale Tesourieregulasies uitgevaardig by wyse van Staatskoerant Nr. 23463 van 25 Mei 2002, is dit die prerogatief van ‘n rekenpligtige beampte om sy eie interne vervoerbeleid en prosedures te formuleer binne die breë raamwerk van voorgenoemde beleidsdokumente.
|
| 3. |
In die lig van die voorafgaande en ten einde beamptes van die WKOD van geskikte vervoermiddele te voorsien wanneer daar noodgedwonge van gehuurde voertuie gebruik gemaak moet word, is besluit dat voertuie in die volgende kategorieë gehuur mag word: |
| 3.1 |
|
Beamptes met 'n rang wat laer is as dié van direkteur: 'n kategorie A-voertuig (1300 ks-sedan sonder kragstuur en lugversorging, maar met radio/kassetspeler).
|
| 3.2 |
|
Direkteure en hoofdirekteure: 'n kategorie B-voertuig (1600cc sedan met kragstuur, lugversorging en radio/kassetspeler). |
| 3.3 |
|
Adjunk-direkteurs-generaal en superintendente-generaal: 'n kategorie C-voertuig (1600cc sedan met kragstuur, lugversorging en radio/kassetspeler en meer luukse afwerking as ‘n kategorie B-voertuig). |
| 4. |
Die volgende persone kan om meer besonderhede geskakel word:
Mnr. M. de Lange, tel. 021 467 2797
Mnr. V.R. Gardner, tel. 021 467 2789
|
| 5. |
Bring asseblief die inhoud van hierdie omsendbrief onder die aandag van alle belanghebbendes.
|
GETEKEN: A.J. VAN NIEKERK
HOOF: ONDERWYS
DATUM: 2003:09:12
|