1. Die Direktoraat Inrigtingsbestuur en -beheerbeplanning, en in besonder die Subdirektoraat: AOO- en VOO-skole, is gemagtig om die proses vir die hersiening en opgradering van Die riglyne vir Skoolbestuur en Skoolbeheer, die blou lêer, wat in 1999 aan skole uitgereik is, te koördineer.
2. Sedert die oorspronklike vrystelling van die dokument in 1999, het beduidende veranderinge in die onderwys soos die Nasionale Kurrikulumverklarings, die MIV/Vigsbeleid, Inklusiewe Onderwys en Kwaliteitsversekering, nuwe inisiatiewe en inligting tot gevolg gehad.
3. Skole sal op ‘n gereelde basis voorsien word van hersiene weergawes van bladsye of hoofstukke en hulle sal versoek word om die bestaande bladsye in die blou lêer deur die hersiene bladsye te vervang. Deur dit te doen, sal hulle verseker dat die verwysingslêer bygehou word, en dit sal die dag-tot-dag bestuur en beheer van die skool vergemaklik.
4. Die Subdirektoraat: AOO- en VOO-skole sal die dokumentasie aan skole voorsien.

GETEKEN: P.A. VINJEVOLD
HOOF: ONDERWYS
DATUM: 2003:09:11