1. Die brosjure wat ingesluit is, bevat inligting aangaande die toerusting, materiaal en fasiliteite ter ondersteuning van die implementering van die vakke wat sover voorgestel is vir die Nasionale Kurrikulumverklaring (NKV) vir die Verdere-Onderwys-en-Opleidingsband (VOO-band) in skole. Dit verskaf addisionele inligting aangaande geskikte kwalifikasies vir onderwysers van die vakke en algemene inligting oor elke vak.

2. Die items wat gelys is met hulle koste by benadering bereken is ingesluit om u te help met u aanvangsdenke oor skoolbeplanning vir implementering van die VOO NKV (opsies). Dit is belangrik om daarop te let dat daar 'n verskil is tussen dit wat waarde mag toevoeg en dit wat noodsaaklik is vir die suksesvolle bestuur van die vak. Hierdie onderskeidings word gewoonlik in die dokument aangedui.

3. In sommige vakke (bv. Ingenieursvakke en Geografie) kan daar nog steeds wysigings voorkom omdat die inligting gebaseer is op die omvang van die vak soos aangedui in die konsepdokumente wat in Oktober 2002 gepubliseer is. Bygewerkte materiaal sal verskaf word in geval van grootskaalse veranderings sodra die dokumente gepubliseer is.

4. Die inligting in die aangehegte boekie moet bestudeer word saam met die konsep- NKV-"Oorsig"-dokumente van 28 Oktober 2002, wat details bevat van vakdefinisies, doel, omvang en leeruitkomste vir elke vak.

5. ‘n Reeks vreemde tale, Godsdiensonderrig en Siviele Tegnologie is as vakke geïdentifiseer om by die kernlys gevoeg te word. ‘n Besluit oor die befondsing van hierdie addisionele vakke is egter nog nie geneem nie.

6. Skole sal eersdaags dokumentasie aangaande verdere beplanning en voorgestelde provinsiale ondersteuningsprosesse ontvang. Verdere aankondigings oor datums vir publikasie van die NKV in die Staatskoerant en verdere inligting sal volg sodra daar nuus ontvang is. Die VOO webbladsy op die kurrikulumwebtuiste by http://curriculum.wcape.school.za sal ook aangewend word om skole ingelig te hou.


GETEKEN: P.A. VINJEVOLD
HOOF: ONDERWYS
DATUM: 2003:09:01


Die dokumente, waarna verwys word as bylaes by die omsendbrief, word nie aangeheg nie maar is as drukstukke beskikbaar.