1. Die volgende is 'n kort opsomming van besluite rakende die standaardisering van die deurlopende assesseringspunte wat tydens die UMALUSI-vergadering op 26 Junie 2003 geneem is.
1.1 Die DASS-punte sal statisties verstel word tot die eksamenpunte binne 'n 5 - 10% grens (verw. Omsendbrief 0076/2002).
1.2 As 'n skool se gemiddelde DASS-punt onder die skool se verstelde gemiddelde eksamenpunt is, word die DASS-punt verstel tot 5% bo die verstelde gemiddelde eksamenpunt, en die standaardafwyking van die DASS word gelykgestel aan die standaardafwyking van die eksamen. Nietemin sal die verstelling van die DASS-punte van individuele kandidate tot 50% van die punte wat dié leerder behaal het, beperk word. Dit beteken dat as 'n leerder byvoorbeeld 10 punte vir DASS ontvang het, en die skool se DASS-punte opwaarts verstel word, die maksimum wat dié leerder vir DASS kan bekom 15 punte is.
1.3 Die DASS-punte in 'n vak in 'n skool sal onaanvaarbaar wees as die DASS- standaardafwyking minder as 5% en ook minder as driekwart van die eksamenafwyking is. In hierdie geval, word die kandidate met 1,25% vergoed, d.w.s aan elke kandidaat word 'n DASS-punt toegeken gelyk aan 25% van die punte wat dié kandidaat in die eksamen behaal het.


GETEKEN: J. P. RAULT-SMITH
HOOF: ONDERWYS
DATUM: 2003:09:12