1. Vanjaar val Internasionale Geletterdheidsdag op Maandag 8 September, en Internasionale Geletterdheidsweek duur van Maandag, 8 September tot Vrydag, 12 September. Alle WKOD-inrigtings word aangemoedig om vierings te organiseer om hierdie betekenisvolle situasie te bevorder.

2. Hierdie vierings mag personeellede, leerders, ouers en lede van die gemeenskap betrek by een of meer aktiwiteite wat lees, storievertel en/of skryf insluit. Voorstelle vir sodanige aktiwiteite word in Bylae A verskaf.

3. OBOS'e sal vir hulle amptenare die volgende vierings van Internasionale Geletterdheidsdag organiseer:
3.1 OBOS Metropool-Sentraal: OBOS-amptenare van verskeie afdelings sal deelneem aan 'n program van boekvoorlesings en sal gesprekke voer aangaande geletterdheid. Voorstelle oor hoe om geletterdheid uit te brei om alle leerareas in te sluit, sal verken word. Die OBOS se geletterdheidskoördineerder sal met skole skakel oor hoe hulle moontlike aktiwiteite vir Internasionale Geletterdheidsdag kan implementeer.
3.2 OBOS Metropool-Oos: Verteenwoordigers van elke afdeling sal 'n boek van die Wes-­Kaap Onderwyskollege se biblioteek neem, dit lees en dan die boek met die ander verteenwoordigers deel. Die vertoonwa sal 'n aantal skole besoek met boekuitstallings. Plaaslike persoonlikhede sal boeke gebruik wat uit die 100+ Leesboekeprojek kom en stories aan leerders en onderwysers voorlees.
3.3 OBOS Metropool-Noord: Kersaansteekseremonie: OBOS-personeel sal uitgenooi word om kerse aan te steek en op groot uitgesnyde letters van die woord 'Geletterdheid' te plaas ter herinnering aan al daardie mense wat ongeletterd is. Amptenare sal die geleentheid kry om boeke (nuut of gebruik) met ander personeellede te deel en sal aangemoedig word om vir 'n kind op daardie dag voor te lees. Personeel sal spesiale boekmerke ontvang.
3.4 OBOS Metropool-Suid: Vir die hele week sal daar 'n geletterdheidsuitstalling wees by die OBOS se bronnesentrum. Dit sal 'n uitstalling van boeke van die 100+ Leesboekeprojek, uitstallings deur uitgewers en 'n uitstalling van boeke wat deur leerders geskryf is, insluit. 'n Geletterdheidsbronnelokaal sal geopen word met geletterdheidsmateriaal, boeke, tydskrifte en programmatuur. 'n Toneel wat spesiaal geskryf is vir Internasionale Geletterdheidsweek sal by die OBOS opgevoer word.
3.5 OBOS Breederivier/Overberg: 'n Vieringsgeleentheid sal gehou word waar ongeveer 8 skole (hoofstroom en OLSO) verantwoordelik sal wees vir poësievoordragte en koorwerk. Die nuwe bronnesentrum sal bekendgestel word. Die wenners van die skrywerskompetisie sal bekend gemaak word. EDULIS en uitgewers sal boeke vir skole gedurende die dag uitstal.
3.6 OBOS Suid-Kaap/Karoo: 'n Noodlyn sal gedurende Geletterdheidsweek ingestel word waar skole hulp kan ontvang m.b.t. lees, leerprobleme, geletterdheidsprogramme en bronne. Dit sal in plaaslike koerante gepubliseer word. Burgemeesters van dorpe in die OBOS-distrik is uitgenooi om vir die leerders te kom voorlees. Skole is gevra om departementele beamptes te nader om stories by skole te kom lees of te vertel. Plakkate van verskeie skole waarop die viering van geletterdheid uitgebeeld word, sal by die OBOS uitgestal word.
3.7 OBOS Weskus/Wynlande: Die OBOS en elke kring sal 'n eie spesiale poging aanwend vir Internasionale Geletterdheidsdag. By die OBOS sal graad R-leerders van plaaslike skole na 'n poppespel wat geletterdheid onderstreep, kan gaan kyk. Storievertellers van die gemeenskap sal deelneem. Die onderburgemeester van die Paarl sal die eregas wees.

4. Verdere inligting hieromtrent kan verkry word vanaf die volgende OBOS Geletterdheidskoördineerders: 
        Metropool-Sentraal:      Mnr G Davids      021 659 4423
        Metropole-Oos:           Me K Mabandla     021 900 7014
        Metropool-Noord:         Me J Caroto       082 874 5478
        Metropool-Suid:          Me M Kwinana      021 372 2770
                                 Me J Leukes       021 370 2044
                                 Me C Nissen       021 782 6102
        Breederiver/Overberg:    Me M Siddle       023 348 4633
        Suid-Kaap/Karoo:         Me C du Plessis   044 690 4007 
        Weskus/Wynlande:         Me J Baatjes      021 860 1562
                                 Me F Lawrence     021 860 1561

5. Daar word 'n ernstige beroep gedoen op Hoofde van onderwysinstellings, as die kurrikulumbestuurders van hulle inrigtings, om hierdie belangrike gebeurtenis te ondersteun.

GETEKEN: P.A. VINJEVOLD
HOOF: ONDERWYS
DATUM: 2003:08:22

Bylae A: Voorstelle aan skole  (grootte: 19 KB)