| 1.1 |
|
Navorsing het aangetoon dat geletterdheid en gesyferdheid noodsaaklik is vir welslae met verdere leer. |
| 1.2 |
|
Daarom is dit gebiedend dat VBOO-vlakke 1 en 2 op die onderrig van geletterdheid en gesyferdheid toegespits sal wees. Dit sal 'n goeie grondslag verseker voordat die volwasse leerder met nuwe leerareas kennis maak. |
| 1.3 |
|
Die kernleerareas behoort dus slegs op VBOO-vlakke 3 en 4 ingevoer te word en die keusevakke (spesialisasie) op VBOO-vlak 4. |
| 2.1 |
|
Die VBOO-leerbaan van VBOO-vlakke 1, 2 en 3 lei tot 'n kwalifikasie op VBOO-vlak 4 of die Nasionale Kwalifikasie Raamwerk (NKR) 1. |
| 2.2 |
|
Alhoewel daar leerders mag wees wat slegs basiese onderwys en opleiding verlang, sal 'n groot aantal VBOO-leerders in verskeie leerkontekste deur VBOO-vlakke 1, 2 en 3 heen vorder met die doel om 'n AOOS te verwerf ten einde toegang tot Verdere Onderwys en Opleiding te verkry. |
| 2.3 |
|
Die kurrikulum wat op VBOO-vlakke 1, 2 en 3 aangebied word, behoort dus soepel genoeg te wees om geleenthede te bied vir die uiteenlopende behoeftes van die volwasse leerder, en om vordering deur VBOO-vlakke 1, 2 en 3 heen te fasiliteer. |
| 3. |
LEERKATEGORIEË IN VBOO-VLAKKE 1, 2 EN 3 |
| 3.1 |
|
Die leerkategorieë binne VBOO-vlakke 1, 2, en 3 is soos volg: |
| 3.1.1 |
|
Fundamentele leer
Fundamentele leer verwys na daardie leer wat die grondslag of basis vorm wat nodig is om die onderwys, opleiding of verdere leer te onderneem wat vir die verkryging van 'n kwalifikasie vereis word (SAKO-regulasies, Wet 58 van 1995).
Die fundamentele aspekte in VBOO-vlakke 1, 2 en 3 sluit Taal, Geletterdheid en Kommunikasie (TGK) en gesyferdheid in.
|
| 3.1.2 |
|
Kernleer
Kernleer beteken daardie verpligte leer wat in situasies vereis word wat kontekstueel relevant tot die betrokke kwalifikasie is (SAKO-regulasies, Wet 58 van 1995).
Die kernkategorie verwys na eenheidstandaarde uit enige van die ses leerareas wat geïdentifiseer is as deel van algemene fundamentele opvoeding. Die ses leerareas is soos volg:
|
| 3.2 |
|
OPSOMMING VAN DIE VERSKILLENDE LEERAREAS WAT AAN VBOO-VLAKKE 1, 2 EN 3 BY GEMEENSKAPSLEERSENTRUMS BESKIKBAAR IS
VBOO-
VLAK | Fundamentele kategorie | Kernkategorie |
| 1 |
*Taal, Geletterdheid en Kommunikasie
Gesyferdheid
|
Geen kernleerareas ingevoer nie |
| 2 |
*Taal, Geletterdheid en Kommunikasie
Gesyferdheid
|
Geen kernleerareas ingevoer nie |
| 3 |
*Taal, Geletterdheid en Kommunikasie
Gesyferdheid
|
Kuns en Kultuur
Ekonomiese en Bestuurswetenskap
Mens- en Sosiale Wetenskappe
Lewensoriëntering
Natuurwetenskap
Tegnologie
|
Let wel
* Taal, Geletterdheid en Kommunikasie mag die moedertaal wees, en/of 'n addisionele taal, afhangende van die behoeftes van die leerder en/of die gemeenskap
|
| 4 |
|
EENHEIDSTANDAARDTITELS EN SPESIFIEKE UITKOMSTE VIR VBOO-VLAKKE 1, 2 EN 3. |
| 4.1 |
|
Die uitkomsgebaseerde benadering beteken dat nasionale standaarde as uitkomstes in die eenheidstandaarde geskrywe word. |
| 4.2 |
|
'n Eenheidstandaard organiseer en beskrywe alles wat die leerder as gevolg van die leerproses sal weet en in staat sal wees om te doen. |
| 4.3 |
|
'n Eenheidstandaard stel ook die peil en bestek van vaardigheid, en bepaal watter getuienis vir assessering gebruik kan word. |
| 4.4 |
|
Bylae A bevat die interim geregistreerde eenheidstandaardtitels en spesifieke uitkomstes vir VBOO-vlakke 1 en 2. |
| 4.5 |
|
Bylae B bevat die interim geregistreerde eenheidstandaardtitels en spesifieke uit-komstes vir VBOO-vlak 3. |
| 4.6 |
|
Dit is belangrik om daarop te let dat die eenheidstandaarde vir VBOO-vlakke1, 2 en 3 tans hersien word vir implementering in 2004. |
| 5 |
|
DIE KRITIEKE EN ONTWIKKELINGSUITKOMSTE |
| 5.1 |
|
Die kritieke en ontwikkelingsuitkomste is deur SAKO daargestel as die uitkomste vir alle onderwys in Suid-Afrika. Wanneer daar vir enige leerervarings in VBOO-vlakke 1, 2 en 3 beplan word, is dit beslissend om vir sowel kritieke as ontwikkelingsuitkomstes voorsorg te maak. |
| 5.2 |
|
Bylae C bevat ‘n volledige lys van die Kritieke en Ontwikkelingsuitkomste. |
| 6.1 |
|
Die VBOO-kurrikulumadviseurs in die OBOS'e is beskikbaar om, indien nodig, Sentrumbestuurders en opvoeders van raad te bedien. |
| 6.2 |
|
Die VBOO-kurrikulumadviseur sal hom of haar, indien nodig, vir verdere steun tot die kurrikulumspesialis of die Senior Kurrikkulumbeplanner: VBOO-kurrikulum wend. |
GETEKEN: D.R. SHEPHERD
HOOF: ONDERWYS
DATUM: 2003:01:23
|