| 1.1 |
|
'n Afskrif van die finale rooster vir die 2003 Senior Sertifikaat-eksamen wat op 13 Oktober 2003 begin en op 21 November eindig, is ingesluit. |
| 1.2 |
|
Die Departement het alles moontlik gedoen om ‘n goedgebalanseerde rooster daar te stel om alle kandidate te pas. Waar moontlik is veranderings aangebring aan die voorlopige rooster in ooreenstemming met voorstelle wat deur skole gemaak is. Na konsultasie met Rekenaarstudie-onderwysers word Rekenaarstudie nou op 9 en 10 Oktober 2003, voor die aanvang van die eksamensessie, geskryf. |
| 1.3 |
|
Daar is geen roosterbotsings vir kandidate wat WKOD-eksamenvraestelle skryf nie. Waar kandidate egter vraestelle skryf wat deur ander eksaminerende liggame opgestel is, is daar gevalle waar individuele kandidate botsings sal ondervind. In sulke gevalle moet die volgende reëlings getref word:
Prinsipale moet onmiddellik met mev. H. du Toit van die Direktoraat: Eksamens in verbinding tree by telefoon (021) 467-2917 of by faks (021) 461-5637 en die naam van die eksamensentrum, naam/name van die kandidaat/kandidate, die datums en die sessies en die vakke of vraestelle wat daarby betrokke is, verskaf. Die vak wat deur die meeste kandidate geskryf word, moet eerste geskryf word op die tyd soos aangedui op die rooster. Onmiddellik na die eerste sessie MOET die betrokke kandidaat/kandidate van die ander geskei word, onder streng toesig gehou word en die geleentheid kry om vir een uur te rus. Die opvoeder wie se vak deur die kandidate geskryf gaan word, mag nie betrokke wees by die toesighouding nie. Dit is van die allergrootste belang dat die betrokke kandidaat/kandidate geen toegang moet hê tot enige telefoonfasiliteite (selfone ingesluit), e-pos, ander kandidate of vakopvoeders nie. Na ‘n rusperiode van een uur kan die kandidaat/kandidate die eksamenlokaal binnegaan en gereed maak om die volgende vak te skryf. |
| 1.4 |
|
Lig asseblief alle kandidate in dat hulle tot op die laaste dag van die skoolkwartaal beskikbaar moet wees, indien dit om enige rede nodig mag wees om die skryf van ‘n spesifieke eksamenvraestel te verskuif. |
| 2. |
REëLINGS VIR DIE SKRYF VAN VRAESTELLE
Die hoofopsiener moet verseker dat kandidate die eksamenlokaal 25 minute voor die amptelike begintyd van die eksamensessie binnegaan. Hierdie tyd moet soos volg benut word: Die eerste 15 minute moet gebruik word om te sorg dat die kandidate in hulle korrekte sitplekke sit, om die vraestelle uit te deel, ens. Gedurende die orige 10 minute moet kandidate die eksamenvraestel deurlees. |
| 3. |
Let asseblief daarop dat daar in geen stadium tydens hierdie 25 minute- voorbereidingsperiode geskryf of notas gemaak mag word nie. ‘n Oortreding van hierdie reël sal as ‘n onreëlmatigheid beskou word. Daar word van kandidate verwag om op te hou met skryf op die tyd wat op die eksamenrooster aangedui word. |
GETEKEN: B.K. SCHREUDER
HOOF: ONDERWYS
DATUM: 2003:08:15
|