1. Die volgende bylae tot die Nasionale Beleid oor die aflê van die Senior Sertifikaat-eksamens verskyn in volume 455 van Staatskoerant 24852 van 9 Mei 2003: "Die algemene afsnydatum vir die registrasie van kandidate en vakgrade sal 15 Maart 2004 wees en aangaande". Hierdie is 'n nuwe Nasionale Beleid wat deur al nege provinsies geïmplementeer moet word.
2. Dit impliseer dat geen graadveranderinge na 15 Maart elke jaar deur Senior Sertifikaat-kandidate of hulle skole of sentrums gemaak kan word nie. Aangesien dit beteken dat die finale graad 11-uitslae van kandidate deur skole, kandidate en ouers gebruik moet word om besluite oor graadveranderinge te neem, moet skole verseker dat hulle graad 11-eksamens van die toepaslike standaard is. Spesiale versoeke om graadveranderinge sal egter volgens Eksamenomsendminuut 0014/2003 van 25 Maart 2003 in voor 30 April oorweeg word.
3. Skole word herhinner dat besluite oor graadveranderinge deur die ouers in samewerking met die skool geneem moet word - en nie slegs deur die skool nie. Verwys asseblief na Omsendbrief 0050/2001 in hierdie verband.
4. Deurlopende Assesseringspunte word vanaf die begin van die jaar op die graad waarin die leerder vir die Senior Sertifikaat-eksamen inskryf, versamel, alhoewel daar vakke is waar die punte vanaf Julie in die graad 11-jaar versamel word.
5. Bring asseblief die inhoud van hierdie omsendbrief onder die aandag van leerders, onderwysers, ouers en skoolbeheerliggame.

GETEKEN: P.A. VINJEVOLD
HOOF: ONDERWYS
DATUM: 2003:07:29