| 1. |
Op 15 Mei 2002 het die Wes-Kaapse Provinsiale Administrasie en vakbonde in die Provinsiale Bedingingsraad: Wes-Kaap ooreengekom oor die beleid vir spesiale verlof binne die Wes-Kaapse Provinsiale Administrasie. Hierdie beleid is vervat in die Provinsiale Bedingingsraad: Wes-Kaap Kollektiewe Ooreenkoms P7/2002 en is vanaf 1 Junie 2002 van krag. |
| 2. |
Die Wes-Kaap Onderwysdepartement (WKOD) val binne die omvang van die Provinsiale Bedingingsraad: Wes-Kaap en die beleid is dus van toepassing op die volgende werknemers van die departement wat ingevolge die Staatsdienswet, 1994 (soos gewysig) aangestel is:
Permanente werknemers (met ‘n aaneenlopende aanstellingskontrak in ‘n voltydse of deeltydse hoedanigheid) Tydelike werknemers (met ‘n vastetermynkontrak), uitsluitend toevallige werknemers
|
| 3. |
BEGINSELS VIR DIE TOEKENNING VAN SPESIALE VERLOF
|
| 3.1 |
|
Spesiale verlof is ‘n vaste geregtigdheid en hoop nie op as dit nie gebruik word nie.
|
| 3.2 |
|
Spesiale verlof is nie ‘n reg nie en word oorweeg met behoorlike inagneming van operasionele vereistes. |
| 3.3 |
|
Spesiale verlof kan nie vir kontant verdiskonteer word nie. |
| 3.4 |
|
Aansoek om spesiale verlof moet deur bemiddeling van ‘n werknemer se direkte toesighouer op die voorgeskrewe verlofaansoekvorm gedoen word. |
| 3.5 |
|
Die voorgeskrewe verlofaansoekvorm moet minstens een maand voor die verlof ‘n aanvang neem by die kantoorhoof ingedien word en moet vergesel wees van stawende dokumentasie. Behalwe in die geval van onvoorsiene omstandighede mag ‘n werknemer nie sy of haar pos verlaat of van sy of haar werk wegbly tensy hy of sy skriftelik om verlof aansoek gedoen het en skriftelik ingelig is dat sy of haar aansoek goedgekeur is nie. Versuim om aan hierdie vereiste te voldoen, kan daartoe lei dat verlof sonder salaris vir die betrokke tydperk toegestaan word. |
| 3.6 |
|
Die departement kan met goeie rede en te enige tyd reeds goedgekeurde spesiale verlof terugtrek. |
| 3.7 |
|
In die geval van ‘n dispuut met betrekking tot die geldigheid van verlof waarop aanspraak gemaak word, sal die dispuut na die Direkteur: Personeelbestuur (Staatsdienspersoneel) by Hoofkantoor verwys word. |
| 3.8 |
|
Spesiale verlof sal van toepassing wees in omstandighede wat nie deur enige ander verlofkategorie gedek word nie. |
| 3.9 |
|
‘n Werknemer kan met die toestemming van sy of haar toesighouer verkies om verlof sonder salaris of jaarlikse verlof vir die gegewe omstandighede te benut, of om die spesiale verlof te verleng as verlof sonder salaris indien benodig of as omstandighede dit noodsaak. Aansoeke om verlof sonder salaris moet as sulks aangedui word. Volledige redes vir die aansoek om spesiale verlof moet gegee en gemotiveer word. |
| 4. |
KATEGORIEë VAN SPESIALE VERLOF |
| 4.1 |
|
BEHANDELING VAN DWELMMISBRUIK |
| 4.1 |
|
BEHANDELING VAN DWELMMISBRUIK |
| 4.1.1 |
|
Spesiale verlof met volle salaris kan slegs een keer aan ‘n werknemer toegestaan word vir die behandeling van dwelmmisbruik (alkohol en dwelms) tot ‘n maksimum van 42 kalenderdae, onderworpe aan die bevestiging van die betrokke mediese praktisyn of ‘n erkende instansie wat rehabilitasie-dienste lewer. |
| 4.1.2 |
|
Indien ‘n tydperk van langer as 42 kalenderdae benodig word, moet die afwesigheid gesertifiseer word deur ‘n relevante mediese praktisyn. Die aansoek moet vergesel wees van ‘n formele rehabilitasieprogram en die totale tydperk van afwesigheid mag nie 90 kalenderdae oorskry nie. |
| 4.1.3 |
|
Na voltooiing van behandeling moet ‘n mediese sertifikaat en ‘n volledige verslag deur die relevante mediese praktisyn of inrigting by die departement ingedien word. Die verslag moet ‘n aanduiding gee van die werknemer se samewerking en vordering gedurende die behandeling, asook van die prognose van die geval. |
| 4.1.4 |
|
In die geval van onvermoë om te rehabiliteer of ‘n insinking, moet die voorgeskrewe prosesse ingevolge resolusie 12 van 1999 (Onbekwaamheidskode en prosedures met betrekking tot swak gesondheid) gevolg word. |
| 4.2.1 |
|
Spesiale verlof vir militêre doeleindes sal toegestaan word aan ‘n werknemer indien dit van sodanige werknemer verwag word om ingevolge die Verdedigingswet, 1957 of enige regulasie daarkragtens uitgevaardig, of ingevolge die Polisiewet,1995, of enige regulasie daarkragtens uitgevaardig, opleiding te ondergaan of diens te doen. |
| 4.2.2 |
|
Spesiale verlof vir militêre opleiding kan, volgens die diskresie van die Onderwyshoof, enige tydperk insluit wat werklik en noodsaaklikerwys vir reisdoeleindes nodig is. |
| 4.2.3 |
|
Ten einde vir sodanige verlof te kwalifiseer, moet amptelike dokumentêre bewyse ingedien word.
|
| 4.3 |
|
SPORTDOELEINDES
Spesiale verlof kan toegestaan word wanneer ‘n werknemer deur ‘n erkende amateursportliggaam gekies word om |
| 4.3.1 |
|
deel te neem as ‘n lid van ‘n georganiseerde sportgroep wat die Republiek van Suid-Afrika by ‘n internasionale sportbyeenkoms buite die Republiek van Suid Afrika verteenwoordig hetsy as deelnemer, afrigter, bestuurder of tegniese adviseur. |
| 4.3.2 |
|
Suid-Afrika as ‘n deelnemer, afrigter, bestuurder of tegniese adviseur by ‘n nasionale of internasionale sportbyeenkoms binne die Republiek van Suid-Afrika te verteenwoordig. |
| 4.3.3 |
|
as ‘n deelnemer, afrigter, bestuurder of tegniese adviseur op interprovinsiale en nasionale vlak teen ‘n internasionale span deel te neem. |
| 4.3.4 |
|
‘n oorsese span wat die Republiek van Suid-Afrika besoek as ‘n verteenwoordiger van die Suid-Afrikaanse sportvereniging wat die toer organiseer, te vergesel. |
| 4.3.5 |
|
as ‘n skeidsregter, beampte of beoordelaar by ‘n georganiseerde amateursport- byeenkoms op provinsiale, nasionale of internasionale vlak binne of buite die grense van Suid-Afrika optree. |
| 4.4.1 |
|
Spesiale verlof kan aan ‘n werknemer toegestaan word om hom of haar in staat te stel om toesig te hou oor die pak en laai en die aflaai en uitpak van sy of haar persoonlike besittings as gevolg van ‘n amptelike oorplasing op staatskoste. |
| 4.4.2 |
|
‘n Maksimum van twee werksdae spesiale verlof kan vir hierdie doel toegestaan word en dit sal afwesigheid by die ou en/of nuwe hoofkwartier dek. |
| 4.5.1 |
|
Spesiale verlof vir studiedoeleindes op versoek van werknemers
Die WKOD ondersteun pogings deur werknemers om verdere kwalifikasies te verwerf deur formele studies (kursusse of vakke) om hul vaardigheid of professionele bekwaamheid te verhoog. Vir hierdie doel kan spesiale verlof vir studiedoeleindes toegestaan word met behoorlike oorweging van die volgende beginsels:
Werknemers moet hulle verlof so bestuur dat hulle voldoen aan die vereistes van SKBR-resolusie 7/2000, naamlik dat ‘n periode van 10 werksdae per verlofsiklus beskou word as ‘n verpligte rusperiode. Hierdie dae kan dus nie vir spesialeverlofdoeleindes aangewend word nie. ‘n Werknemer moet die Onderwyshoof skriftelik inlig en die relevante dokumentêre bewys van die beoogde studies voorlê wanneer die akademiese jaar ‘n aanvang neem. Die toestaan van studieverlof is onderhewig daaraan dat die studies soortgelyk moet wees as die WKOD se kernfunksies of deel moet vorm van die werknemer se loopbaanbevordering. Voldoende bewys moet ingedien word dat die studies en/of voorbereidingswerk in die belang van die WKOD is en dat dit die bekwaamheid en professionele bevoegdheid van die werknemer in sy/haar werksfeer sal verhoog. Elke geval sal op eie meriete gehanteer word en op die basis van ‘n aansoek wat die aard en toepaslikheid van die studie uiteensit. Studieverlof moet nie afbreuk doen aan die verrigting van amptelike diens nie. Dit sal toegestaan word onderhewig aan operasionele vereistes, die WKOD se redelike vereistes met betrekking tot die werknemer se werkstyd en die vlakke van produktiwiteit en werkverrigting. Studieverlof om lesings, praktiese klasse en tutoriale in enige vak gedurende normale werksure by te woon sal slegs toegestaan word indien die lesings, praktiese klasse en tutoriale in daardie vak nie buite die normale werksure aangebied word nie.
Bepalings met betrekking tot kategorieë van spesiale verlof wat toegestaan kan word vir studiedoeleindes wanneer aansoek deur ‘n werknemer gedoen word
Studieverlof om klasse of lesings gedurende kantoorure by te woon
Die verlof sal bereken word teen een dag vakansieverlof met volle salaris of een dag vakansieverlof sonder salaris, indien die werknemer nie verlof tot sy krediet het nie, vir elke 16 ure tydaf of afwesigheid van die normale werkplek. Tydaf sal ‘n aanvang neem vanaf die oomblik dat die werknemer sy of haar kantoor of werkplek verlaat en sal reistyd insluit. Die voormelde bepaling is ook van toepassing op nagraadse studies waar daar blokmodules is.
Voltydse studieverlof
Spesiale verlof met volle salaris op die basis van een dag spesiale verlof vir elke dag van vakansieverlof met volle salaris kan aan ‘n werknemer toegestaan word in verband met sy of haar studies op ‘n voltydse basis (bekend as die 50/50 basis). Waar toepaslik kan werknemers van hul opgehoopte verlofkrediete vir hierdie doel aanwend.
Studieverlof vir voorbereidingsdoeleindes (50/50 basis)
Die doel van hierdie verlof is om werknemers voldoende geleentheid te gee vir voorbereiding in hul studiesfere. Met inagneming van die bepalings kan spesiale verlof met volle salaris op die basis van een dag spesiale verlof vir elke dag vakansieverlof met volle salaris wat in verband met sy of haar studies deur die werknemer benut word, toegestaan word. Hierdie tipe verlof kan toegestaan word waar ‘n werknemer betrokke is in
voltydse studie aan ‘n erkende opvoedkundige instansie binne of buite die Republiek. ‘n studietoer in die buiteland. buite-kurrikulêre (deeltydse) en/of korrespondensie-studies wat verlof benodig ten einde voor te berei of navorsing vir eksamendoeleindes of toetse wat tot die jaareindresultate bydra te doen. navorsingswerk en/of die skryf van ‘n verhandeling of tesis vir ‘n nagraadse kwalifikasie. studie in ‘n rigting wat die verrigting van praktiese werk of praktiese onderwys vir ‘n bepaalde tydperk jaarliks behels. bywoning van ‘n voorbereidende kursus met die oog daarop om ‘n kwalifiserende eksamen af te lê ten einde toelating tot ‘n bepaalde veld van studie te verkry. praktiese werk wat as ‘n voorvereiste vir registrasie in ‘n bepaalde professie vereis word.
Studie in die buiteland met behoud van salaris
Die WKOD kan individuele versoeke om spesiale verlof met behoud van salaris vir studie aan ‘n tersiêre inrigting in die buiteland oorweeg. Sodanige aansoeke sal slegs oorweeg word indien die aansoeker dokumentêre bewys indien wat aandui dat die studie nie aan ‘n tersiêre inrigting in die RSA onderneem kan word nie. Indien omstandighede dit regverdig, is die WKOD bereid om beurse aan werknemers wat in die buiteland studeer toe te staan ten einde hulle te ondersteun met die hoër koste van studie, onderhoudskoste en reisuitgawes. In hierdie gevalle sal die werknemer aanspreeklik wees vir al sy of haar uitgawes.
Oorsig van vordering
Elke werknemer aan wie studieverlof met volle salaris toegestaan word, moet so spoedig doenlik na voltooiing van elke akademiese jaar of na voltooiing van die kursus of vak, wat ook al die eerste is, bewys van die vordering van die studies voorlê. Die Onderwyshoof kan te eniger tyd van enige werknemer vereis dat hy of sy bewys van bevredigende bywoning van en/of vordering in die kursus of vak indien. In die geval van ‘n werknemer se onvermoë om ‘n vak waarvoor studieverlof met salaris toegestaan is, suksesvol te voltooi sal geen verdere studieverlof met salaris aan sodanige werknemer toegestaan word vir die herhaling van die vak nie. In die geval waar onvermoë om ‘n vak suksesvol te voltooi wesenlik die gevolg was van operasionele vereistes van die departement wat in konflik met die werknemer se studieprogram was, of die gevolg was van uitsonderlike omstandighede buite die werknemer se beheer, kan verdere studieverlof met salaris by aansoek deur die werknemer oorweeg word vir die doel om die vak suksesvol te voltooi. Die Onderwyshoof kan te eniger tyd goedkeuring vir studieverlof met salaris terugtrek indien
die redelike operasionele vereistes van die departement nie bereik gaan word indien die werknemer gedurende normale werksure van diens afwesig is nie; of die werknemer sonder redelike verskoning versuim het om lesings, praktiese klasse en tutoriale waarvoor studieverlof met volle salaris toegestaan is, by te woon. |
| 4.5.2 |
|
Spesiale verlof vir studie geïnisieer deur WKOD (Studie deur toedeling)
Doel Die WKOD mag ‘n behoefte aan studie, opleiding of navorsing identifiseer wat noodsaaklik is vir die effektiewe uitvoering van sy kernfunksies, maar waarvoor daar nie in die standaard beursskema voorsiening gemaak word nie. Die “studie-deur-toedeling” alternatief maak voorsiening vir studie, opleiding of navorsing van hierdie aard.
Voorwaardes vir studie deur toedeling
Studies kan slegs onderneem word in opdrag van die Onderwyshoof en met die goedkeuring van die Minister van Onderwys. Uitgawes vir hierdie doel kan gedek word uit fondse waarvoor die WKOD begroot het. Slegs dienende werknemers mag aangewys word. Die departement moet daarvan oortuig wees dat as gevolg van ontwikkelinge in ‘n bepaalde veld, die verwerwing van addisionele kennis en vaardighede oor ‘n spesifieke onderwerp noodsaaklik geword het vir effektiewe en doeltreffende werkverrigting. Die studie of navorsing moet onderneem word om ‘n bepaalde kwalifikasie te verwerf. Indien die doel van die studie is om ‘n oplossing vir ‘n spesifieke probleem te verkry, hoef ‘n hoër kwalifikasie nie verwerf te word na voltooiing van die studie of navorsing nie. Die opleiding of navorsing moet van kardinale belang vir die WKOD wees. Die rigting van die studie of navorsing moet vooraf duidelik geïdentifiseer word, bv. voorgeskrewe hoof en aanvullende vakke vir kursusse of ‘n raamwerk vir ‘n spesifieke navorsingsprojek. Gelei deur bepaalde opleidings-, opvoedkundige of ontwikkelingsbehoeftes moet die departement ‘n spesifieke werknemer nomineer om die studie of navorsing met behoud van volle salaris te onderneem. Die kennis en vaardighede wat vereis word moet van so ‘n aard wees dat dit nie op enige ander manier bekom kan word nie. Die studie of navorsing moet op die mees koste-effektiewe manier onderneem word, bv. internasionale studie of navorsing moet slegs oorweeg word indien die relevante inrigtings in Suid-Afrika nie in die behoeftes kan voorsien nie. Eweneens moet voltydse studie nie oorweeg word indien fasiliteite vir deeltydse of na-uurse studie beskikbaar is nie. Tesisse, verhandelings, referate en ander opdragte wat voortspruit uit hierdie studie kan getik, gekopieer, gedruk en gebind word deur gebruik te maak van departementele fasiliteite. Die minimum tydperke waarin studies voltooi moet word, moet vooraf bepaal word en die verlenging van tydperke moet soos volg gehanteer word:
Plaaslike studie: ‘n Versoek om die verlenging van sodanige tydperk kan na die Onderwyshoof verwys word vir ‘n diskresionêre beslissing. Internasionale studie: Die Onderwyshoof kan die goedgekeurde tydperk met slegs een jaar verleng, waarna dit met motivering vir verdere verlenging na die Minister van Onderwys verwys moet word.
Aard van studie deur toedeling Kriteria vir studie deur toedeling Die volgende kriteria moet in ag geneem word om die geskiktheid van ‘n kandidaat te bepaal:
|
| 4.6.1 |
|
Spesiale verlof vir eksamendoeleindes om ‘n tersiêre, skolastiese of beroeps-kwalifikasie te verwerf, moet aan ‘n werknemer toegestaan word op die werksdag waarop hy of sy ‘n eksamen by ‘n erkende opvoedkundige instansie moet aflê. |
| 4.6.2 |
|
Een addisionele werksdag spesiale verlof per vraestel mag onmiddellik voor die aflê van die eksamen toegestaan word ten einde die werknemer in staat te stel om finale voorbereidingswerk te doen.
|
| 4.6.3 |
|
Waar ‘n rusdag/dae of openbare vakansiedag die eksamendag voorafgaan, kan die werksdag wat die voormelde dag/dae voorafgaan as spesiale verlof benut word.
|
| 4.6.4 |
|
‘n Werknemer moet die Onderwyshoof skriftelik in kennis stel en relevante dokumentêre bewyse van die beoogde studies indien wanneer die akademiese jaar ‘n aanvang neem. |
| 4.6.5 |
|
So ‘n aansoek om verlof moet saam met die relevante eksamenrooster ingedien word minstens 15 dae voor die verlof ‘n aanvang neem. |
| 4.7.1 |
|
Die primêre doel van sabbatsverlof is om werknemers in staat te stel om verlof met volle salaris te benut ten einde intensiewe studie of navorsing te doen wat as uitkomste verhoogde bevoegdheid in die werknemer se veld van kundigheid en ‘n verhoging in die kwaliteit van die individu se toekomstige bydrae tot die WKOD het. Die studie of navorsing hoef nie noodwendig te lei tot die verwerwing van ‘n hoer kwalifikasie nie. |
| 4.7.2 |
|
Dit mag toegestaan word aan ‘n werknemer wat
aangestel is in ‘n voltydse hoedanigheid en wie se kernfunksie die opleiding van studente wat ‘n erkende kwalifikasie wil verwerf, is. deur publikasie, onderrig, uitstalling of prestasie ‘n bogemiddelde bevoegdheid in vakkundigheid, navorsing of ander kreatiewe bekwaamheid gedemonstreer het. |
| 4.7.3 |
|
Voorwaardes vir die toekenning van sabbatsverlof
Sabbatsverlof is nie ‘n reg nie. Sabbatsverlof moet tot die voordeel van beide die WKOD en sy kliënte (gemeenskap van die Wes-Kaap) wees. Sabbatsverlof kan nie vir kontant verdiskonteer word nie. Die totale periode van afwesigheid (dit is sabbatsverlof plus enige ander verlof vir die doel) mag onder geen omstandighede ‘n ononderbroke tydperk van 12 kalendermaande oorskry nie. Die toestaan van verlof moet gedoen word met behoorlike oorweging van die behoeftes van die WKOD. Skriftelike vooraf goedkeuring vir die werknemer se studie- of navorsingsprogram moet van die Onderwyshoof verkry word voordat daar met sabbatsverlof voortgegaan word. Na voltooiing daarvan moet ‘n verslag binne drie maande na die werknemer se terugkeer na diens ingedien word. Drie of ses kalendermaande sabbatsverlof kan onderskeidelik toegestaan word na elke drie of ses jaar ononderbroke voltydse diens waarvoor die persoon aangestel is met die doel om opleiding te verskaf. Sodanige verlof kan nie tot meer as twaalf maande oploop nie. Vorige ononderbroke diens by ‘n statutêre liggaam waar ‘n persoon aangestel is om opleiding te verskaf kan in berekening gebring word vir die doeleindes van berekening van sabbatsverlof by oorplasing na die Staatsdiens. Sabbatsverlof reeds benut in vorige sodanige tydperke van diens moet afgetrek word van die verlofkrediet hierbo aangedui. Die toekenning van sabbatsverlof mag nie saamval met die betaling van studiegelde en reis- en verblyfkoste uit staatsfondse nie. Sabbatsverlof kan toegestaan word aan ‘n werknemer tydens sy of haar laaste maand van diens volgens die diskresie van die Onderwyshoof op voorwaarde dat sodanige verlof tot die voordeel van die WKOD is. Die toestaan van sabbatsverlof is onderhewig aan die reël van waarnemende aanstellings wat vir die Onderwyshoof aanvaarbaar is (In gevalle waar die Onderwyshoof betrokke is moet die reëlings aanvaarbaar wees vir die Minister van Onderwys.) Waarnemende aanstellings sal so bestuur word dat hulle nie dienslewering ontwrig nie. (Omsendbrief 103/2002 van 20 Augustus 2002). Die toestaan van sabbatsverlof is nie onderhewig aan kontraktuele verbinding nie. In die geval van misbruik van sabbatsverlof moet die dissiplinêre maatreëls soos vervat in die Staatsdienswet, 1994, (soos gewysig) toegepas word. |
| 4.8 |
|
DIVERSE VERLOF
Spesiale verlof met volle salaris kan aan ‘n werknemer toegestaan word |
| 4.8.1 |
|
wat in hegtenis geneem of in enige hof strafregtelik teregstaan op ‘n kriminele klag en vrygespreek word, of indien die klag teruggetrek word. |
| 4.8.2 |
|
wat ‘n lid van die St John Ambulansdiens, die Suid-Afrikaanse Rooikruisvereniging, die SA Noodhulpliga of ander relevante erkende organisasie is en gekies word om ‘n opleidingskursus wat aangebied word deur een van die voormelde inrigtings en nie buite normale werksure of oor naweke aangebied word nie, by te woon. |
| 4.8.3 |
|
wat gestremd is en ‘n erkende program moet bywoon om die gestremdheid beter te kan hanteer. |
| 4.8.4 |
|
indien ‘n natuurlike ramp die area waar die werknemer werk of woon tref en die Onderwyshoof tevrede is dat dit vir die werknemer onmoontlik is om met sy normale diens voort te gaan. |
| 4.8.5 |
|
wat werk of woon in ‘n area waarin ‘n burgeroorlog woed en verhoed word om met sy of haar amptelike pligte voort te gaan. |
| 4.8.6 |
|
in uitsonderlike omstandighede waarvoor daar nie in hierdie beleid voorsiening gemaak is nie, onderworpe aan die goedkeuring van die Onderwyshoof. |
| 5. |
AFWESIGHEID WAT AS AMPTELIKE DIENS BESKOU WORD
‘n Werknemer word as amptelik aan diens beskou wanneer hy of sy |
| 5.1 |
|
as ‘n getuie vir die staat moet verskyn
|
| 5.1.2 |
|
in ‘n wangedragsaak ingevolge die wet.
|
| 5.1.3 |
|
voor ‘n kommissie of kommittee van ondersoek deur die staat aangestel. |
| 5.1.4 |
|
by ‘n geregtelike doodsondersoek. |
| 5.1.5 |
|
by ‘n ondersoek (ingestel deur ‘n erkende staatsliggaam). |
| 5.2 |
|
‘n verweerder of medeverweerder in ‘n siviele hofsaak wat voortspruit uit sy of haar ampspligte waarby die staat ‘n direkte belang het, is. |
| 5.3 |
|
deur die Departement van Binnelandse Sake aangestel is om met verkiesings behulpsaam te wees. |
| 5.4 |
|
‘n werknemer ondersteun of verteenwoordig gedurende ‘n dissiplinêre of wangedragondersoek of gedurende ‘n ondersoek van ‘n klag of grief. |
| 5.5 |
|
die persoon aangekla van wangedrag gedurende ‘n dissiplinêre of wangedrag ondersoek is.
|
| 5.6 |
|
kort kursusse, kongresse, simposia, seminare, konferensies, lesings, ens. en oorsese studietoere moet bywoon. (Die doel van die bywoning van die voormelde kursusse is dat hulle moet dien as ‘n manier om werknemers op die hoogte te hou van die nuutste verwikkelinge in hulle bepaalde werksfere, d.w.s. die bywoning van sodanige kursusse moet kan dien as ‘n belangrike opleidingsmeganisme.) Afwesigheid van diens met volle salaris vir hierdie doeleinde kan egter slegs op die volgende voorwaardes vir die bywoning van bogenoemde aktiwiteite aan ‘n werknemer toegestaan word: |
| 5.6.1 |
|
die departement moet ‘n direkte belang in die vakinhoud van die bogenoemde aktiwiteite hê. |
| 5.6.2 |
|
slegs die minimum aantal van die mees geskikte werknemers moet gekies word om die bogenoemde by te woon. |
| 5.6.3 |
|
die departement moet die nodige fondse beskikbaar hê. |
| 5.6.4 |
|
die operasionele vereistes van die departement moet ten volle in ag geneem word voordat sodanige verlof toegestaan word. |
| 6. |
Bring asseblief die inhoud van hierdie omsendbrief onder die aandag van alle
Staatsdienspersoneel onder u beheer. |
GETEKEN: G.J. ELLIOTT
HOOF: ONDERWYS
DATUM: 2003:07:18
|