1. 1. Skole en amptenare is in Omsendbriewe 0045/2001 van 15 Mei 2001, 155/2001 van 23 November 2001 en 0065/2002 van 7 Augustus 2002 ingelig oor die elektroniese kommunikasiestrategie, elektroniese poslyste en e-posmeesterstelsel van die Wes-Kaap Onderwysdepartement (WKOD).
2. Die WKOD-e-posmeesterstelsel wat skole en amptenare van die WKOD (ook bekend as WKOD-e-posmeesters) in staat sal stel om per e-pos met mekaar te kommunikeer, is voltooi en gereed vir gebruik. Dit beteken dat e-posmeesteridentiteite nou vir elk van die funksionele eenhede in die WKOD geskep is en dat strukture daargestel is vir die prosessering van e-pos na hierdie adresse. Skole kan dus voortaan, met deeglike inagneming van die WKOD se e-posmeesterbeleid wat in die aangehegte Bylae A uiteengesit is, per e-pos met WKOD-e-posmeesters kommunikeer.
3. Die kontakbesonderhede van die WKOD-e-posmeesters en die sake waaroor daar met hulle in verbinding getree kan word, verskyn op die aangehegte lys (Bylae B).

'n Weergawe van hierdie lys, wat gereeld bygewerk sal word, sal op die WKOD-webblad by

http://wced.wcape.gov.za/home/contacts/e-postmaster/e-post_index.html

gehou word.
4. Skole word dus aangemoedig om voortaan sover moontlik van die WKOD-e-posmeesterstelsel gebruik te maak. 'n Vriendelike beroep word ook op skole en amptenare gedoen om hulle e-pos ten minste drie keer daagliks na te gaan en seker te maak dat inkomende pos onmiddellik aandag geniet.
5. Bring asseblief die inhoud van hierdie omsendbrief onder die aandag van alle betrokkenes.


GETEKEN: A.J. VAN NIEKERK
HOOF: ONDERWYS
DATUM: 2003:08:08

Bylae A:   Elektroniese Posmeesterbeleid  (grootte: 19 KB)
Bylae B:   Lys van WKOD E-posmeesters  (grootte: 29 KB)
WKOD IT-hulplyn kontak besonderhede  (Bylae C van bogenoemde E-Posmeesterbeleidsdokument)  (grootte: 11 KB)