| 1. |
In opvolging van Omsendbriewe 0095/2003 van 16 April 2003 en 0136/2003 van 18 Junie 2003, onderskeidelik, word u hiermee ingelig dat aansoeke om die skeidingspakket van botallige personeellede wat moontlik die vorige sperdatum misgeloop het, tot en met 12 September 2003 vir oorweging ontvang kan word. Botallige personeellede word egter aangemoedig om hulle aansoeke vroegtydig in te dien aangesien aansoeke nie na die verstryking van Resolusie 7/2002 oorweeg sal kan word nie. Daar sal dan geen wetlike basis wees vir die toestaan van hierdie pakkette nie. |
| 2. |
Met betrekking tot die uitdienstredingsdatum, d.w.s. die laaste dag van diens, is die Wes-Kaap Onderwysdepartement (WKOD) verplig om werknemers een maand kennis van beëindiging van diens te gee. In die lig hiervan sal werknemers wie se aansoeke nou goedgekeur word, die diens van die WKOD met ingang van 1 November 2003 verlaat |
| 3. |
Die inhoud van hierdie omsendbrief moet asseblief onder die aandag van al die personeel onder u beheer en lede van skoolbeheerliggame gebring word. |
GETEKEN: G.J. ELLIOTT
HOOF: ONDERWYS
DATUM: 2003:08:07
|