1. Die nasionale Raad op Arbeidsverhoudinge in die Onderwys (RAVO) het op 10 April 2003 ‘n nuwe pos- en salarisstruktuur vir opvoeders, Resolusie 4 van 2003 ( afskrif ingesluit ), aanvaar.
2. Daar dien gemeld te word dat die nuwe salariskerwe wat vanaf 1 April 2003 geld, slegs ten doel het om alle opvoeders na die nuwe salariskerwe oor te skakel en hulle in staat te stel om te deel in die nuwe pos - en salarisstruktuur. Die oorskakeling op 1 April het dus nie suiwer ‘n salariswins vir opvoeders ten doel nie. Opvoeders sal vanaf 1 Julie 2003 ook 'n outomatiese 1%-kerfaanpassing, bo en behalwe die 8,5 %-salarisverbetering (inflasie-aanpassing) ontvang. Let daarop dat kerfaanpassings vanaf 1 Julie 2004 aan ‘n positiewe evalueringsverslag onderworpe sal wees. In hierdie verband word daar volledigheidshalwe afskrifte van die nasionale Departement van Onderwys se brief van 7 Julie 2003 en die bylae daarin vermeld, ter inligting aangeheg1.
1 Hierdie dokumente word nie aangeheg nie maar is as drukstukke beskikbaar.
3. Heelparty van die kwessies wat in die nuwe pos- en salarisstruktuur vervat is, benodig verdere departementele beleid en implementeringsmaatreëls wat by wyse van omsendbriewe aan u bekendgemaak sal word sodra hulle gefinaliseer is.
4. Bring asseblief die inhoud van hierdie omsendbrief onder die aandag van alle personeellede en beheerliggame.


GETEKEN: J.H. HURTER
HOOF: ONDERWYS
DATUM: 2003:07:25

COLLECTIVE AGREEMENT NUMBER 4 OF 2003  (grootte: 22 KB)