| 1.1 |
|
Ten einde die belange van VBOO-leerders ten beste te dien, is dit uiters belangrik om te verseker dat alle gemeenskapsleersentrums (GLS’e) toepaslike kurrikulumpakkette aanbied wat in die behoeftes van die leerders en van die gemeenskap sal voorsien en 'n baan vir verdere leer sal bied. |
| 2. |
Die VBOO-vlak 4 (NKR1) leerareas
Die tabel in BYLAE A toon die SAKO-geregistreerde leerareas aan, asook die kredietwaarde wat vir elke leerarea by VBOO-vlak 4 (NKR1) geld. |
| 3. |
Agtergrond en doel met die leerarea(s) |
| 3.1 |
|
BYLAE B voorsien 'n bondige agtergrond van en die doelstelling van die verskillende VBOO-vlak 4 leerareas. |
| 3.2 |
|
Die agtergrond verskaf aan sentrumbestuurders en opvoeders inligting oor die toepaslikheid van die leerarea wanneer hulle 'n leergeleentheid beplan. |
| 4. |
Voorgestelde pakkette om die Algemene Onderwys en Opvoedingskwalifikasie (AOO) te bekom |
| 4.1 |
|
Die rasionaal vir 'n gestruktureerde pakketprogram vir VBOO-vlak 4-leerders is
- om 'n goeie algemene opvoeding te verskaf wat leerders in staat sal stel om uit 'n breë reeks moontlike studierigtings in die VOO-band te kies
- om die opsie van 'n nuttige kwalifikasie in 'n bepaalde rigting te bied.
|
| 4.2 |
|
Die tabelle in BYLAE C dui aanbevole opsies aan. |
| 5. |
Vereistes om die verskillende opsies te kan aanbied |
| 5.1 |
|
Algemene vereistes
Wanneer daar besluit word om enige van die bogenoemde kombinasies te implementeer, moet die openbare leersentrum vir volwassenes, tesame met die betrokke kurrikulumadviseur, sorg dat |
| 5.1.1 |
|
aanvanklike assesserings gedoen word (plasingstoetse) om te verseker dat leerders wat vir die kursus(se) inskryf op toepaslike vlakke geplaas word. |
| 5.1.2 |
|
die keuses wat gemaak word op die behoeftes van die leerders en van die gemeenskap berus. |
| 5.1.3 |
|
die sentrum oor die nodige fondse beskik om die opsie(s) wat gekies word, te kan implementeer. |
| 5.1.4 |
|
die sentrum oor die nodige gekwalifiseerde opvoeders beskik om die opsie(s) wat gekies word, te implementeer. |
| 5.1.5 |
|
die nodige onderrig- en leerfasiliteite en leerderondersteuningsmateriaal beskikbaar is, of beskikbaar gemaak kan word, vir die doeltreffende implementering van die gekose opsie(s). |
| 5.1.6 |
|
die leerprogramme wat ontwikkel is, op die korrekte SAKO-geregistreerde eenheidstandaarde berus. |
| 5.2 |
|
Spesiale vereistes vir die implementering van Toerisme
Wanneer daar besluit word om Toerisme te implementeer, is dit vir die Gemeenskapsleersentrum nodig om
|
| 5.2.1 |
|
te verseker dat die sentrum oor die kapasiteit (menslik, fisies en finansieel) beskik om aan die nasionaal geregistreerde uitkomstes te voldoen. |
| 5.2.2 |
|
bereid en in staat te wees om verhoudings en vennootskappe met relevante rolspelers in die toerismebedryf te ontwikkel. |
| 5.3 |
|
Spesiale vereistes vir die implementering van Entrepreneurskap
Wanneer daar besluit word om Entrepreneurskap te implementeer, is dit vir die openbare leersentrum vir volwassenes nodig om
|
| 5.3.1 |
|
die leerders se geleenthede vir volhoubare selfindiensneming en werkskepping te bepaal en sodoende by te dra tot ‘n groeiende ekonomie. |
| 5.3.2 |
|
vennootskappe te ontwikkel en met kleinsakeondernemings in die omliggende gemeenskap te skakel. |
| 5.4 |
|
Spesiale vereistes vir die implementering van die landbou
Wanneer daar besluit word om Toegepaste Landbou en Landboutegnologie te implementeer, is dit vir die openbare leersentrum vir volwassenes nodig om
|
| 5.4.1 |
|
te verseker dat die sentrum oor die kapasiteit (menslik, fisies en finansieel) beskik om aan die nasionaal geregistreerde uitkomstes vir toegepaste landbou en landboutegnologie te voldoen en |
| 5.4.2 |
|
vennootskappe te ontwikkel en met (bestaans- en kommersiële) boere, boereverenigings en ander relevante belanghebbendes in en rondom die gemeenskap te skakel. |
| 5.5 |
|
Vereistes om Gemeenskapgesondheidsorg te implementeer
Wanneer daar besluit word om Hulpgesondheidsorg te implementeer, is dit vir die gemeenskapsleersentrum nodig om
|
| 5.5.1 |
|
te verseker dat hulle oor die kapasiteit (menslik, fisies en finansieel) beskik om aan die nasionaal geregistreerde uitkomstes vir Hulpgesondheidssorg te voldoen, en |
| 5.5.2 |
|
vennootskappe te ontwikkel en met rolspelers in die gesondheidsektor te skakel. |
| 6.1 |
|
Die VBOO-kurrikulumadviseurs by die OBOS'e is beskikbaar om sentrumbestuurders en opvoeders indien nodig van raad te bedien. |
| 6.2 |
|
Die VBOO-kurrikulumadviseur sal hom of haar indien nodig vir verdere steun tot die kurrikulumspesialis en Hoofkantoor wend. |
GETEKEN: D.R. SHEPHERD
HOOF: ONDERWYS
DATUM: 2003:01:23
|