• verifikasie van die prosedure ingevolge Omsendbrief 0117/2002 (sien aangehegte vloeikaart)

• goedkeuring deur die betrokke hoofdirekteure, nl. Hoofdirekteur: Metropool en Hoofdirekteur: Landelik

• ontvangs van 'n aanstellingsbrief van die Direkteur: Personeel (Opvoeders)

• voldoende bewys dat die betrokke inrigting swak bestuur word

• voldoende bewys dat ander intervensies om die situasie reg te stel, gefaal het.

Die volgende stappe moet gedoen word by die aanstelling van 'n mentor:

• Probeer eerstens om 'n geskikte mentor vanuit die prinsipale in dieselfde kring of OBOS-distrik te kies.

• Alternatiewelik kan 'n mentor gekies word uit 'n inrigting in 'n ander OBOS-distrik, onderhewig aan die goedkeuring van vrystelling van die direkteur van daardie OBOS.

• Indien bogenoemde alternatiewe nie suksesvol is nie, kan die betrokke OBOS die Direkteur: Arbeidsverhoudinge te Hoofkantoor versoek om 'n geskikte mentor op sy databasis te vind.

• Mentorskap mag geen finansiële implikasies vir die Wes-Kaap Onderwysdepartement (WKOD) inhou nie.

LW: Mentorskap word slegs 'n opsie indien intervensies deur die Kringbestuurder en die Multifunksionele Span van die OBOS gefaal het.

• Om gesamentlik doelwitte te bepaal wat op die behoeftes van die skool gebaseer is (d.w.s. saam met die skoolbestuurspan)

• Om gereelde vergaderings te hou en terugvoering te verskaf aan alle belanghebbendes by die skool (d.w.s. personeel, skoolbeheerliggaam en verteenwoordigende raad van leerders)

• Om die gesag van die prinsipaal te erken, gereeld met hom/haar te beraadslaag en as sy/haar adviseur op te tree

• Om met lede van die skoolpersoneel en die skoolbeheerliggaam saam te werk om te verseker dat die skool deurlopend op doeltreffende wyse bestuur word

• Om 'n skoolklimaat van doeltreffende spanwerk en kreatiwiteit te skep

• Om die missie en visie van die skool in die gedagtes van personeel en leerders vas te lê

• Om die OBOS se multifunksionele span aan te wend ter bevordering van 'n bevorderlike leeromgewing binne die skool

• Om gereeld aan die OBOS verslag te doen oor vordering by die skool

Die WKOD voorsien dat die aanstelling van 'n mentor vir die prinsipaal op die volgende wyses tot voordeel kan wees:

• Die verwerwing van kennis en vaardighede

• Psigologiese ontwikkeling

• Die verwerwing van 'n persoonlike etiek

• Die geleentheid om te sien hoe die mentor te werk gaan

• Die geleentheid om oor sy/haar eie prestasie na te dink

• Professionele groei

• 'n Groter gevoel van tuis voel (minder geïsoleerd) binne 'n gevestigde personeel

• Iemand om gedagtes mee te wissel

• Ontwikkeling van leierskapvaardighede

• Verhoogde entoesiasme, motivering en energie vir die professionele bestuur van die skool

• Die geleentheid om goed opgelei te word en beter aan te pas

• Die waarskynlikheid om opvoeders na die skool aan te trek en dié by die skool te behou

Die verantwoordelikhede van 'n kurator is feitlik identies met dié van 'n mentor, met die enigste verskil dat 'n kurator basies die hele bestuur van die inrigting oorneem, aan die betrokke kringbestuurder verslag doen en volle verantwoordelikheid en aanspreeklikheid aanvaar vir die professionele bestuur van die inrigting. Hierdie opsie kan slegs as 'n laaste uitweg oorweeg word nadat die mentorprogram sy volle gang gegaan het.

Die prinsipaal van 'n skool onder kuratorskap sal met spesiale verlof wees. Gedurende hierdie tydperk van spesiale verlof sal hy/sy opleiding ondergaan of opleidingsessies by die OBOS, of ander inrigtings soos die Kaapse Onderwysinstituut, bywoon.

• Probeer om 'n afgetrede prinsipaal of kringbestuurder met die nodige kundigheid en vaardighede te kies.

• 'n Kurator word van buite die WKOD aangestel en moet dus besoldig word.

• Die besoldiging van die kurator moet bepaal word deur die Direkteur: Personeelbestuur (KS-opvoeders).

Mentors en kurators moet

• alle vergaderings tussen die prinsipaal en die multifunksionele span in detail notuleer.

• weeklikse vorderingsverslae aan die kringbestuurder voorlê.

'n Prinsipaal mag nie weier om mee te doen aan enige proses van kapasiteitsbou, insluitende mentorskap en kuratorskap, nadat redes vir hierdie intervensies verskaf is nie. Versuim om mee te doen aan enige van bogenoemde prosesse kan lei tot die instel van dissiplinêre maatreëls.

• Mentors het nie maguitbreiding voor oë nie. Om as mentor op te tree, vereis die toewyding om 'n positiewe invloed uit te oefen op die professionele ontwikkeling van 'n prinsipaal. 'n Klimaat van samewerking behoort uit te loop op 'n kultuur van leer en onderrig in die skool.

• Kuratorskap moet beskou word slegs as 'n allerlaaste uitweg nadat alle ander pogings om deur middel van mentorskap aandag te gee aan areas van swak prestasie vrugteloos was.