1. Ingevolge Omsendbrief 0043/2003 het die Wes-Kaap Onderwysdepartement opvoeders uitgenooi om aansoek te doen vir registrasie vir die GOS: Die integrering van Waardes en Menseregte in die Kurrikulum.
2. Die beurshouer is die nasionale Departement van Onderwys, en die diensverskaffer, die Fakulteit Opvoedkunde van die Universiteit van Wes-Kaapland.
3. Meer as nege hondered opvoeders se aansoeke is oorweeg. Aansoekers moet egter daarop let dat die WKOD toekenning, soos bepaal deur die nasionale Departement van Onderwys, slegs vir twee-en-sewentig opvoeders is.
4. Die saamstel van die kriteria vir die benoemingsproses is in samewerking met die onderwyserunies ooreenkomstig ‘n nasionale raamwerk gedoen. Die finale lys van aansoekers is aan die Universiteit van Wes-Kaapland gestuur om die suksesvolle kandidate in kennis te stel. Die lys is ook aan die hoofkurrikulumadviseurs van OBOSe gestuur.
5. Applikante wat nie teen 27 Junie 2003 deur die Universiteit van Wes-Kaapland gekontak is nie, moet aanvaar dat hulle aansoeke nie suksesvol was nie.
6. Die WKOD will graag sy dank uitspreek aan alle opvoeders wat belangstelling getoon het. Aan diegene wat suksesvol was, word ‘n suksesvolle studie vir die kursus toegewens.
7. Die WKOD voorsien dat daardie opvoeders wat die kursus suksesvol aflê, ‘n vername rol sal speel in die OBOSe, skole en gemeenskap om Waardes en Mense Regte in die kurrikulum in te voer. Die WKOD sal die proses ondersteun deur toepaslike strukture te skep om hierdie baie belangrike inisiatief in die provinsie te ondersteun.


GETEKEN: J.P. RAULT-SMITH
HOOF: ONDERWYS
DATUM: 2003:06:20