1. In opvolging van Omsendbrief 0126/2002 van 30 September 2002, word u hiermee in kennis gestel dat die Minister vir die Staatsdiens en Administrasie nou 'n lasgewing uitgereik het wat Departemente in staat stel om self horlosies vir personeel wat 30 jaar ononderbroke bevredigende diens voltooi het, aan te koop.
2. Diegene wat tot op 31 Maart 2003 vir 'n horlosie gekwalifiseer het, sal binnekort ingelig word ten opsigte van die tipe horlosie wat hulle kan selekteer.
3. Personeellede wat vanaf 1 April 2003 gekwalifiseer het, sal mettertyd verder ingelig word ten opsigte van hulle posisie aangesien onderhandelinge rakende die tipe erkenning wat hulle moet ontvang tans op sentrale vlak gevoer word.
4. Al die moontlike word gedoen om die hele proses op datum te bring en dit so spoedig moontlik af te handel.
5. Bring asseblief die inhoud van hierdie omsendbrief onder die aandag van alle personeellede onder u beheer.


GETEKEN: J.H. HURTER
HOOF: ONDERWYS
DATUM: 2003:06:18