1. Duidelikheidshalwe word u daaraan herinner dat vakante substantiewe poste binne die GOEDGEKEURDE DIENSSTAAT (dit is die poste binne die November 2002- en 5 Desember 2002-diensstaat) op die normale wyse met ingang van 1 Julie 2003 op kontrak gevul mag word indien daar geen geskikte botallige opvoeders vir herontplooiing in die poste beskikbaar is nie. Die nodige benoemingsvorms vir die kontrakaanstellings moet derhalwe sonder versuim ingedien word.
2. Hoofde van inrigtings moet asseblief seker maak dat die Z56-vorms die benoemingsvorms vergesel. (Verwys ook na Omsendbriewe 0020/2002 en 0120/2003.)
3. Let daarop dat die beleidsmaatreëls waarvolgens kontrakaanstellings vir ‘n tydperk van hoogstens ses maande op ‘n keer gemaak word, steeds van krag is.
4. Die inhoud van hierdie omsendbrief moet asseblief onder die aandag van alle betrokkenes gebring word.


GETEKEN: J.H. HURTER
HOOF: ONDERWYS
DATUM: 2003:06:17

Vorm-Z56  (Aansoek om salaris te deponeer . . .)  (grootte: 7 KB)