| 1. |
In opvolging van Omsendbrief 0095/2003 van 16 April 2003, word u hiermee ingelig dat die sluitingsdatum vir die ontvangs van aansoeke om die skeidingspakket soos in paragraaf 3 van voormelde Omsendbrief aangedui, uitgestel is tot 25 Junie 2003. |
| 2. |
Met betrekking tot die uitdienstredingsdatum, d.w.s. die laaste dag van diens, is die WKOD verplig om werknemers een maand kennis van beëindiging van diens te gee. In die lig hiervan sal werknemers wie se aansoeke goedgekeur word, die diens van die WKOD met ingang van 1 Augustus 2003 verlaat. |
| 3. |
Werknemers wat nog steeds die diens aan die einde van Junie 2003 wil verlaat, kan skriftelik daarom aansoek doen, maar hulle sal `n onderneming moet onderteken dat die WKOD nie verantwoordelik gehou sal word indien hulle pensioengelde nie op die vroegste teen middel September 2003 uitbetaal word nie. |
| 4. |
Die inhoud van hierdie omsendbrief moet asseblief onder die aandag van al die personeel onder u beheer en die lede van skoolbeheerliggame gebring word. |
GETEKEN: J.H. HURTER
HOOF: ONDERWYS
DATUM: 2003:06:18
|