Die opleidingskursusse vir Skoolbestuurspanne en Grondslagfase-onderwysers by openbare en onafhanklike primêre skole sal elke week van die Junie/Julie-vakansie in elke OBOS aangebied word. Verdere opleidingskursusse sal gedurende die September-, sowel as Desember-Januarievakansie in elke OBOS aangebied word vir diegene wat nie die Junie/Julie-sessie kon bywoon nie.

Die 2004 Januarieopleidingsessies sal ook vir nuwe lede wat tot die onderwysberoep toetree voorsiening maak.

Die voorbereiding en opleiding van skoolhoofde, onderwysers en amptenare vir die HNKV is ‘n gesamentlike poging deur die Nasionale Departement van Onderwys, provinsiale onderwysdepartemente, hoër onderwysinstellings, onderwyserunies en diensverskaffers:

• Opleiding van skoolbestuurspanne (SBS'e) en grondslagfaseonderwysers deur die PKOS: vanaf 30 Junie tot 18 Julie 2003
• Opleiding van die oorblywende Skoolbestuurspanne en Grondslagfase-onderwysers deur die PKOS: 29 September tot 3 Oktober 2003;
• Opleidingsessies vir nuut-aangestelde opvoeders en vir diegene wat nie die 2003- sessies bygewoon het nie: 12 tot 16 Januarie 2004.
• Sou daar ‘n behoefte vir verdere opleiding per se wees, sal OBOS'e namiddag- en naweekopleidingsessies aanbied. Sulke intervensies sal na die Junie/Julie sessies bepaal word, en OBOS'e sal skole dienooreenkomstig in kennis stel;
• OBOSe en Hoofkantoor sal opleidingsessies reël vir beamptes by hulle kantore.

Die skoolhoof, veral gedurende ‘n tydperk van kurrikulumverandering, het ‘n baie belangrike rol as leier en kurrikulumbestuurder te vervul teenoor die personeel, ouers en die gemeenskap.

• 'n Oorsig en verklaring van die ontwerpeienskappe, beginsels en konsepte van HNKV
• Leeruitkomste en assesseringstandaarde in leerareas
• Die onderwysersgids vir die ontwikkeling van leerprogramme
• Tydindeling en roosterbeplanning
• Vereistes vir assessering
• Kurrikulumbestuur in 'n skool
• Administratiewe kwessies
• Bestuur van leerondersteuningsmateriaal
• Ontwikkeling van netwerke en ondersteuningsmeganismes
• Response op vrae en kwellinge

Addisionele korter kursusse sal vir skoolbestuurspanne aangebied word in gevalle waar die onderwyseropleidingsessies reeds bygewoon is.

• Leeruitkomste en assesseringstandaarde in leerareas
• Vereistes vir assessering
• Die onderwysergids vir die ontwikkeling van leerprogramme
• Die ontwikkeling van 'n leerprogram, jaarplan en leereenheid deur die onderwyser vir eie gebruik
• Klaskamerbestuur
• Inklusiewe onderwys
• Differensiasie, insluitend multigraad- en veeltalige klasse
• Opvolgreëlings vir netwerke en ondersteuning na opleiding
• Respons op vrae en kwellinge

die kursusse vir onderwysers en skoolbestuurders sal gelyktydig by meer as een vergaderplek in elke OBOS aangebied word.

Die datums is as volg:-

• 29 September tot 3 Oktober 2003
• 12 tot 16 Januarie 2004

Elke OBOS het 'n operasionele plan wat verseker dat alle skoolhoofde en alle onderwysers die geleentheid sal hê om die opleiding by te woon. Vir datums en vergaderplekke, sien Bylae A. Die registrasivorms (Bylae B&C) moet onverwyld aan u OBOS aangestuur word, aangesien sekere plekke beperkte getalle kan akkommodeer.

• Die kursusse vir onderwysers begin op Maandae om 8:30 vir 9:00 stiptelik en eindig om 13:00 op die laaste dag (Vrydag). Op Dinsdae, Woensdae en Donderdae sal die kursus vanaf 8:00 tot 16:30 plaasvind.
• Die kursusse vir skoolbestuurspanne sal op die Maandag om 9.00 stiptelik begin en om 16.30 op die derde dag (Woensdag) eindig.

Die WKOD sal die koste vir vervoer na die naaste plek aangaan teen departementele tariewe vir diegene in diens van die WKOD, dra. Deelnemers word egter versoek om, waar moontlik, saam te reis.

Eisvorms sal aan die einde van die kursus voltooi word. Deelnemers behoort hulPersalnommers byderhand te hê, asook die volgende inligting:

• Diegene wat van privaat vervoer gebruik maak, moet die besonderhede van die voertuig, kilometerlesings en kilometers afgelê, invul.

• Openbare vervoer: Kwitansies MOET saam met u eis ingedien word.

• Taxi-pendelaars: Indien geen kwitansie uitgereik word nie, moet ‘n beëdigde verklaring deur die skoolhoof onderteken en met die volgende inligting, ingesluit word:-

• Naam en Persalnommer
• Skool
• Begin- en eindpunte van reis
• Tarief per rit
• Datums van eise
• Bedrag geëis
• Verklaring dat dit die enigste manier van vervoer beskikbaar was en/of dat dit die goedkoopste opsie was.

GEEN EISE MAG NA DIE KURSUS INGEDIEN WORD NIE.

Middagete en tee word aan deelnemers voorsien wat vooraf geregistreer het. Onderwysers moet asseblief hou by die reëlings wat hulle tydens registrasie getref het.

Alle grondslagfaseonderwysers en -skoolhoofde word versoek om vroegtydig by hul OBOS te registreer. Ten einde spyseniering en organisasie te vergemaklik, sluit registrasie om 16:00 op die volgende dae:

4 Augustsus 2003:	vir September 2003-opleiding
10 November 2003:	vir Januarie 2004-opleiding

Neem asseblief daarvan kennis dat daardie deelnemers wat spesifieke plekke of datums verkies, so gou as moontlik moet registreer omdat die deelnemer:fasiliteerder-verhouding beperk is.

'n Aantal bylaes is ingesluit.

Die suksesvolle implementering van die HNKV as ‘n nasionale kurrikulum is afhanklik van ‘n gedeelde begrip van die kurrikulum en genoegsame voorbereiding deur skoolbestuurders, onderwysers en departementele amptenare.

Die WKOD wil graag onderwysers bedank wat hul reëlings so getref het om die Junie- Julievakansie opleidingsessies by te woon. Daar word vertrou dat dit ‘n vrugbare leerervaring sal wees. Ons wil graag die belangrikheid van die bywoning van opleidingskursusse beklemtoon, sodat ons saam kurrikulumverandering kan bestuur en implementeer tot voordeel van al ons leerders. Ten slotte wil die Departement skoolhoofde en onderwysers vir hul ondersteuning in dié verband bedank.

Hoofde van onderwysinrigtings word versoek om seker te maak dat die inhoud van hierdie omsendbrief onder die betrokke onderwysers se aandag gebring word.