1. Boomplantweek is van 1 - 7 September 2003.
2. Die tema vir Boomplantweek 2003 is “BOME IS ONS ERFENIS".
3. Boomplantweek bied baie geleenthede vir die implementering van die Hersiene Nasionale Kurrikulumverklaring (HNKV). Al die leerareas kan aan die tema gekoppel word.
4. Omdat die Wes-Kaap ‘n winterreënstreek is, is Boomplantweek nie die beste tyd om bome te plant nie. Skole kan dus Boomplantweek vir konsolidasie gebruik en bome wat alreeds geplant is, vier.
5. Die twee bome vir die jaar is die Rhus chirindensis(Bostaaibos) en die Pterocarpus angolensis(Kiaat). Net die Rhus groei in die Wes-Kaap en dit word nie aanbeveel dat skole die Pterocarpus as deel van hulle vergroeningsprogramme plant nie. Skole moet eerder bome plant wat by hulle spesifieke ligging en klimaatsomstandighede aanpas.
6. Die Departement Waterwese en Bosbou (DWB) sal weer eens bome vir Boomplantweek aan skole verskaf. Om te verhoed dat ‘n groot getal bome as gevolg van ‘n gebrek aan sorg doodgaan en om verantwoordelikheid op skoolvlak aan te moedig, sal die volgende vir 2003 van toepassing wees:
6.1 Skole moet skriftelik by DWB om bome aansoek doen. Die aansoekvorm is aangeheg.
6.2 Skole moet een of ander verantwoordelikheid toon om die bome nat te lei en aan die lewe te hou.
6.3 Skole moet aandui hoe hulle beplan om Boomplantweek by die HNKV in te bring.
6.4 Skole wie se aansoeke vir 2002 nie betyds afgehandel kon word nie, sal eerste aandag geniet.
7. Die aantal bome waarvoor ‘n skool mag vra is tussen 1 en 5. Indien daar meer verlang word, moet ‘n sterk motivering ingedien word. Alle aansoeke sal op meriete en die beskikbaarheid van bome oorweeg word.
8. Pos die voltooide vorms aan:
Mnr. Siya Kobese
DWB
Privaatsak X16
Sanlamhof
7532				
of faks dit aan: (021) 950 7277.
9. Die keerdatum vir die indien van die vorms by die DWB is 31 Julie 2003. Aansoeke wat na hierdie datum ontvang word, sal tot 2004 oorstaan.
10. Skole sal in kennis gestel word van die sukses van hulle aansoeke en besonderhede ontvang oor waar en wanneer hulle hul bome mag afhaal.


GETEKEN: P.A. VINJEVOLD
HOOF: ONDERWYS
DATUM: 2003:06:05

Aansoek om bome  (grootte: 24 KB)