1. Die Wes-Kaap Onderwysdepartement (WKOD) het vroeër vanjaar sy Wiskunde-, Wetenskap- en Tegnologiestrategie geloods in antwoord op die inisiatief deur die nasionale Departement van Onderwys om die numeriese, wetenskaplike en tegnologiese geletterdheid van leerders in Suid-Afrika te verbeter.
2. Ter ondersteuning van beide hierdie strategie en die bekendstelling van die Hersiene Nasionale Kurrikulumverklaring (HNKV), sal die WKOD een graad 3-wiskundehandboek per leerder voorsien aan alle skole met graad 3-klasse.
3. Bylae A is 'n lys van die voorafgeïdentifiseerde graad 3-wiskundehandboeke, met taaalopsies, wat deur Grondslagfase- en gesyferdheidskundiges beskou word as dié wat die HNKV ten beste ondersteun. Dit word sterk aanbeveel dat handboeke in die leerder se moedertaal bestel word waar die skool ‘n beleid van moedertaalonderrig in die Grondslagfase het.
4. Bylae B is 'n rekwisisievorm wat deur skole voltooi en teen 26 Junie 2003 teruggestuur moet word. Omsendbrief 0044/2002 verwys na die WKOD riglyn “Seleksie: Leerarea-/Vakriglyne”. Bladsye 18 en 19 van hierdie dokument verskaf kriteria vir Wiskunde om die mees gepaste boek te kies.
5. Die WKOD beoog om hierdie boeke voor die einde van 2003 te voorsien. Dui asseblief die skool se tweede en derde keuse van handboek aan. Faktore soos die totale koste vir die WKOD asook die beskikbaarheid van elke titel teen bestellings mag veroorsaak dat die tweede of derde keuse voorsien sal word.
6. Voltooi asseblief die aangehegte vorm (Bylae B) en stuur dit terug aan die Direktoraat: Logistiese Dienste, SPESIALE PROJEK GRAAD 3-WISKUNDEHANDBOEKE, Privaatsak X9114, KAAPSTAD, 8001 teen 26 Junie 2003.
7. Kopieë van die handboeke is vir besigtiging by u OBOS beskikbaar. Die volgende Hulpbronkoördineerders by die OBOS'e sal in beheer van die proses wees: 
Sentraal:                 Mnr T. O’Connor     021 659 4300
Oos:                      Me G. Stander       021 900 7000
Noord:                    Me J. Caroto        021 948 0950
Suid:                     Me N. Mngxuma       021 370 2000		
Breederivier/Overberg:    Me S. Greyling      023 348 4600
Suid-Kaap/Karoo:          Mnr. S. Webber      044 873 6128 
Weskus/Wynland:           Me I. Heiberg       021 860 1200
8. Dit verskaf aan die WKOD groot genoeë om in staat te wees om hierdie bydrae te lewer tot die ontwikkeling van gesyferdheid in die provinsie. Daar word vertrou dat skole die geleentheid ten volle sal benut deur te verseker dat die handboeke versigtig geselekteer en op entoesiastiese wyse in die nuwe jaar gebruik word.


GETEKEN: P.A. VINJEVOLD
HOOF: ONDERWYS
DATUM: 2003:06:02

Bylae A  (grootte: 9 KB)
Bylae B  (grootte: 13 KB)