1. Die ampstermyn van alle beheerliggame van openbare skole wat gedurende 2000 ingevolge die Maatreëls betreffende Beheerliggame vir Openbare Skole uitgevaardig kragtens die Suid-Afrikaanse Skolewet, 1996 (Wet 84 van 1996), soos gewysig, verkies of saamgestel is, sal gedurende die jaar 2003 verstryk.
2. Die ampstermyn van ‘n beheerliggaam strek oor drie jaar, beginnende vanaf die datum van die beheerliggaam se eerste vergadering na die verkiesing.
3. Die verkiesings van nuwe beheerliggame moet verkieslik ongeveer 30 dae voor die verstryking van die ampstermyn van alle ou beheerliggame afgehanderl word sodat hulle die ou beheerliggaam vir die res van die termyn kan skadu. Dit sal die nuwe beheerliggaam in staat stel om die oorname van beheer vlot te laat verloop.
4. Kiesbeamptes word versoek om in samewerking met prinsipale, alle logistieke en administratiewe reëlings te tref om die verkiesing suksesvol te laat verloop deur kennisgewings aan ouers, die gereedkry van die stemlokaal, die beskikbaarheid van kopieërfasiliteite, die vervoer van ouers na stemlokale, ens. tydig te reël. Uitgawes verbonde aan die verkiesing moet uit die skool se begroting gedek word. Daar is beperkte fondse beskikbaar om werklik behoeftige gemeenskappe se vervoerkoste na stemlokale te help dek. Aansoeke in hierdie verband kan by die onderhawige OBOS vir oorweging ingedien word.


GETEKEN: J.H. LYNERS
HOOF: ONDERWYS
DATUM: 2003:06:11