| 1. |
‘n Lys van die omsendbriewe wat gedurende die eerste kwartaal van 2003 deur die Wes-Kaap Onderwysdepartment (WKOD) uitgereik is, is aangeheg. |
| 2. |
Omsendbriewe moet op rekord gehou word vir solank as wat hulle geldig is. |
| 3. |
U aandag word weereens daarop gevestig dat omsendbriewe met ingang van 1 April 2003 slegs in e-posformaat versend word. Indien omsendbriewe egter aanhangsels het wat nie per e-pos versend kan word nie, sal dit in drukstukke beskikbaar gestel word. Skole wat nie oor e-posfasiliteite beskik nie, sal steeds van omsendbriewe in gedrukte vorm voorsien word. Omsendbriewe is noodsaaklik vir die doeltreffende funksionering van die WKOD en dit plaas dus ‘n verpligting op opvoeders en die amptenary om daarvan kennis te neem. |
| 4. |
‘n Vriendelike beroep word dus op skole en amptenare gedoen om hulle e-pos daagliks na te gaan om sodoende op hoogte te bly van alle omsendbriewe. Die WKOD sal kontroleer of skole se e-pos wat aan hulle versend is, ontvang en oopgemaak is. Skole en amptenary word ook aangeraai om ‘n lêer (“folder”) op hul rekenaars oop te maak vir die liassering van omsendbriewe. Omsendbriewe vir 2003 is ook beskikbaar op die WKOD se webblad by http://wced.wcape.gov.za/circulars/index_circulars.html. |
| 5. |
Bring asseblief die inhoud van hierdie omsendbrief onder die aandag van alle betrokkenes. |
| 6. |
U samewerking sal hoog op prys gestel word.
|
GETEKEN: A.J. VAN NIEKERK
HOOF: ONDERWYS
DATUM: 2003:05:23
|