| 1. |
In 2003 het die Wes-Kaap Onderwysdepartement (WKOD) sy Literêre Strategie geloods in reaksie op verslae van lae lees-, skryf- en begripsvlakke. |
| 2. |
As steun vir hierdie strategie en vir die bekendstelling van die Hersiene Nasionale Kurrikulumverklaring, sal die WKOD alle skole wat grondslagfaseklasse het voorsien van 'n honderd leesboeke per grondslagfaseklaskamer. |
| 3. |
Deur middel van hierdie omsendbrief bied die WKOD aan skole die geleentheid om uit voorafgeïdentifiseerde stelle van 100 boeke te kies - een stel vir elke grondslagfaseklas in hulle skool. |
| 4. |
Grondslagfase- en leesdeskundiges het die stelle boeke vir die projek geselekteer en geklassifiseer. |
| 4.1 |
|
Die lyste bevorder veeltaligheid en maak voorsiening vir 'n verskeidenheid leesvermoëns binne en oor grade heen. |
| 4.2 |
|
Die WKOD is daarvan bewus dat skole verskil wat hulle konteks betref en oor 'n wye verskeidenheid leesstof vir die grondslagfase beskik. Om hierdie rede sal geen lys of pakket volmaak pas by die skool se behoeftes nie. Daar word egter vertrou dat skole pakkette sal kies wat die beste aan die vlakke en leesontwikkelingsprogramme van hulle leerders sal beantwoord. |
| 4.3 |
|
Daar is 19 stelle boeke. Elke stel bestaan uit 'n vaste lys van 100 boeke wat geskik is vir 'n bepaalde reeks leesvlakke. Skole kan moontlik 'n aantal verskillende stelle kies sodat boeke tussen klasse uitgeruil kan word om vir die maksimum verskeidenheid en keuses voorsiening te maak. |
| 4.4 |
|
Die stelle is soos volg: |
| 4.4.1 |
|
Bylae A:Oorwegend Afrikaans Moedertaal: Stelle A.1 tot A.7 |
| 4.4.2 |
|
Bylae B: Oorwegend Engels Moedertaal: Stelle E.1 tot E.7 |
| 4.4.3 |
|
Bylae C: Oorwegend Xhosa Moedertaal: Stelle X.1 tot X.5 |
| 4.5 |
|
Skole word aangeraai om stelle te kies wat in ooreenstemming met die taalbeleid van die Wes-Kaap is, d.w.s. moedertaalonderrig in die grondslagfase. |
| 5. |
Daar word beoog om hierdie boeke voor die einde van 2003 beskikbaar te stel. Indien dit sou gebeur dat van die titels nie beskikbaar is vir die gegewe tydrame nie, kan alternatiewe ekwivalente titels in die stel ingesluit word. |
| 6. |
Voltooi asseblief die aangehegte vorm (Aanhangsel D) en stuur dit terug aan die Direktoraat Logistieke Dienste, SPESIALE PROJEK: LEESBOEKE, Privaatsak X9114, KAAPSTAD, 8000 teen nie later nie as 22 Junie 2003. |
| 7. |
Vir verdere raad, kontak gerus die betrokke Geletterdheidskoördineerder:
Sentraal: Mnr G Davids 021 659 4000
Oos: Mnr K Mabandla 021 900 7000
Noord: Me J. Caroto 021 930 2100
Suid: Me J Leukes 021 370 2000
Me C Nissen 021 782 6102
Me M Kwinana 021 372 2770
Breederivier/Overberg: Me M Siddle 023 342 8993
Suid-Kaap/Karoo: Me C du Plessis 083 278 5043
Weskus/Wynland: Me J Baadjies 021 860 1212
Me F Lawrence 021 860 1200 |
| 8. |
Dit is vir die WKOD baie aangenaam om hierdie bydrae tot geletterdheids-ontwikkeling in die provinsie te kan maak en ons vertrou dat skole die geleentheid ten volle sal benut deur die voorraad met omsigtigheid te selekteer en op entoesiastiese wyse in die nuwe jaar te gebruik. |
GETEKEN: P.A. VINJEVOLD
HOOF: ONDERWYS
DATUM: 2003:05:22
|