Die Nasionale Onderwystoekennings bied die onderwysgemeenskap die geleentheid om die prestasies van voortreflike opvoeders te vier. Daarbenewens stel dit die uitsonderlike werk wat deur alle onderwysers gedoen word ten toon en erken dit hul geweldige pogings. Die Wes-Kaap Onderwysdepartement is trots daarop om die Nasionale Onderwystoekennings in die provinsie te administreer en ondersteun ten volle die doelstellings wat met hierdie proses verband hou.
Deur uitnemendheid en ‘n hoë vlak van professionaliteit te erken, word alle opvoeders bewus gemaak van die teikenstandaarde vir navolgenswaardige onderwyspraktyk.
Die verskillende kategorieë van toekennings is soos volg:
KATEGORIE: UITNEMENDHEID IN VROEë KINDONTWIKKELING
KATEGORIE: UITNEMENDHEID IN PRIMêRE SKOOL ONDERRIG
KATEGORIE: UITNEMENDHEID IN SEKONDêRE SKOOL ONDERRIG
KATEGORIE: UITNEMENDHEID IN LEIERSKAP OP PRIMêRE VLAK
KATEGORIE: UITNEMENDHEID IN LEIERSKAP OP SEKONDêRE VLAK
KATEGORIE: UITNEMENDHEID IN SPESIALE ONDERWYS
KATEGORIE: TOEKENNING VIR LEWENSLANGE PRESTASIE
Alle onderwysers is welkom om aan die proses deel te neem en om nominasies via hul prinsipale in te dien, wat dit op hulle beurt aan hul onderskeie Onderwysbestuurs-en-ontwikkelingsentrums (OBOS’e) sal voorlê. Die kriteria en formaat van nominasies is reeds aan skole voorsien.
Ek maak van die geleentheid gebruik om ‘n bewustheid van hierdie saak te bevorder en om te verklaar dat ek dit volkome ondersteun.
Bring asseblief die inhoud van hierdie omsendbrief onder die aandag van alle personeellede.
GETEKEN: R.B. SWARTZ
HOOF: ONDERWYS
DATUM: 2003:05:15
|