1. Dieaangehegte beleidsdokument vervang die afdeling oor Tienerswangerskap in Omsendbrief 0077/98: Algemene Handleiding vir die Skorsing en Uitsit van Leerders uit Openbare Skole (met uitsondering van Openbare Skole vir Leerders wat daarheen gestuur of oorgeplaas is ingevolge die Kindersorgwet, 1983 (Wet 74/83) en/of die Strafproseswet, 1977 (Wet 51/1977).
2. Die vorige bestuursriglyne is gewysig om die demokratiese regte van swanger leerders tot toegang tot onderwys en dieselfde geleenthede vir ontwikkeling as enige ander leerder wat geregtig is op skoolbywoning, te beskerm.
3. Om ooreenstemming met die waardes van menswaardigheid, gelykheid en vryheid soos vasgelê in die Grondwet van die RSA, Wet 108/1996, te verseker, word daar van prinsipale en beheerliggame verwag om leerderswangerskap ingevolge die riglyne in hierdie beleid te hanteer.
4. Bring asseblief die inhoud van hierdie omsendbrief en die ingeslote beleidsdokument onder die aandag van alle personeel en ouers.


GETEKEN: R.B. SWARTZ
HOOF: ONDERWYS
DATUM: 2003:05:13

Beleid vir die bestuur van leerderswangerskap in openbare skole  (grootte: 21 KB)