1. Volgens die Nasionale Onderwysbeleidsdokument A Résumé of Instructional Prgogrammes in Schools - Report 550 (2001/08) moet deurlopende assessering (DASS) ‘n verpligte komponent van bevorderingspunte wees. Tussen 25% en 50% van die punt wat elke kwartaal en aan die einde van die jaar aan ouer(s)/voog(de) gestuur word, moet ‘n DASS-punt wees.
2. As gevolg van die oorgangsaard van die graad 10-kurrikulum wat op die uitkomsgebaseerde benadering van die kurrikulum in graad 9 volg, word aanbeveel dat die bevordering van graad 10-leerders vanaf 2003 gebaseer word op die verhouding 50% DASS, 50% finale summatiewe eksamen.
3. Ter voorbereiding vir die Senior Sertifikaat-eksamen, waar die DASS-komponent 25% en die summatiewe eksamen 75% tel, moet die bevordering van graad 11-leerders op dieselfde verhouding gebaseer word, d.w.s. 25% DASS, 75% finale summatiewe eksamen.
4. Alle assessering moet ontwikkel word om

  • ‘n bydrae te lewer tot ‘n begrip van die leerders se kennis en vaardighede

  • die onderwyser in staat te stel om te oordeel of kennis en vaardighede verwerf is

  • die onderwyser in staat te stel om die leerproses, indien nodig, aan te pas

  • die vlak van die leerder se vermoë as vaardighede aan te dui

  • die onderwyser te voorsien van geleenthede vir terugvoering en hersiening

5. Assesseringskemas moet vir alle assesseringstake daargestel word. Hierdie skemas moet aan leerders beskikbaar gestel word wanneer assesseringsopdragte gegee word en moet toegespits wees op vakkennis, vaardighede en konseptuele begrip.
6. Bewys van deurlopende assessering wat gebruik is om ‘n leerder se DASS-punt te bereken, moet vir modereringsdoeleindes bewaar word.
7. Daar word van onderwysers verwag om die instruksies, assesseringskriteria en assesseringskemas wat betrekking het op die DASS-werk van leerders in ‘n lęer te vir modereringsdoeleindes te bewaar.


GETEKEN: P.A. VINJEVOLD
HOOF: ONDERWYS
DATUM: 2003:05:14