1. Die betaling van nagskoftoelaes in omstandighede waar van werknemers vereis word om tussen die ure van 19:00 op 'n spesifieke dag tot 07:00 van die volgende dag diens te verrig, is `n bestaande diensvoorwaarde wat in `n Personeeladministrasie-standaard (PAS) omskryf is en waarvoor daar ook in Resolusie 3/99 voorsiening gemaak word.
2. Alle personeellede wat op 'n gereelde basis nagskofte werk is geregtig op die toelae wat ten doel het om diegene wat in die nag werk te vergoed vir die ongerief daaraan verbonde. Die tarief is tans R1,33 per uur. Personeellede wat nie op `n gereelde basis nagskofte werk nie of wat 'n skoftoelae ontvang, is van die betaling van nagskoftoelaes uitgesluit.
3. Afdelings- en inrigtingshoofde moet toesien dat eise ingedien word in gevalle waar personeel nagskofdiens verrig aangesien die betaling van die toelaes nie 'n outomatiese proses is nie. Eise, tesame met afskrifte van bywoningsregisters, wat deur hoofde van afdelings of inrigtings as korrek gesertifiseer is, moet ingedien word sodat die personeelkantoor kan bepaal of en vir hoeveel uur betaling toegestaan kan word. Alhoewel dit `n voorgeskrewe diensvoorwaarde is, het die personeelkantoor nog steeds `n kontrole- en magtigingsfunksie wat by die voorlegging van eise uitgeoefen moet word.
4. Bring asseblief die inhoud van hierdie omsendbrief onder die aandag van alle Staatsdiens- (nie-onderwys-) personeel.


GETEKEN: J.H. HURTER
HOOF: ONDERWYS
DATUM: 2003:05:05