KONFERENSIE VAN VERTEENWOORDIGENDE RADE VAN LEERDERS, 2003
Die Afdeling: Ontwikkeling van Onderwysbestuur en -beheer van Menslike Hulpbronontwikkeling beplan ‘n unieke konferensie vir VRL’e vanaf 30 Junie tot 2 Julie 2003.
Een lid van elke VRL van alle sekondêre, gekombineerde, intermediêre en OLSO-skole in die Wes-Kaap sal die geleentheid gegun word om hierdie luisterryke geleentheid by te woon. Afgevaardigdes sal met mekaar kan beraadslaag en hulle opinies kan uitspreek oor die impak van die nuwe demokratiese stelsel van skoolbeheer oor die afgelope 6 jaar.
Die tema van die konferensie is VERDIEPING VAN DIE DEMOKRASIE.
DOELWITTE VAN DIE KONFERENSIE
Die doelwit van die konferensie is om ‘n geleentheid te skep vir jeugleiers om
blootgestel te word aan die nuutste rigtings in leierskap en skoolgemeenskapsbetrokkenheid. praktiese idees uit te ruil oor hoe om hulle VRL’e te bestuur. kennis op te doen van ‘n verskeidenheid projekte wat hulle by hulle skole kan implementeer. die belangrikheid van jeugleierskap in ‘n jong demokrasie te besef. blootstelling te kry aan maniere waarop die skool bygestaan kan word in die uitvoering van sy rol. deel te neem aan beleidsformulering, besluitneming en leierskap wat die jeug raak. die jeug se behoeftes, uitdagings, aspirasies en geleenthede te identifiseer. inisiatief te neem met die vestiging van strukture en programme wat aan die behoeftes van die skoolgaande jeug beantwoord.
VRL’e word aangemoedig om die konferensiedoelwitte te bespreek om sodoende hulle afgevaardigdes te help om ‘n betekenisvolle bydrae tot die konferensie te maak.
LOGOKOMPETISIE
Alle leerders sal kan deelneem aan ‘n kompetisie om ‘n logo te ontwerp wat die tema van die konferensie uitbeeld. Besonderhede van die kompetisie sal spoedig volg.
KONFERENSIEBANIERE
Elke deelnemende VRL sal gevra word om ‘n konferensiebanier te ontwerp op ‘n stuk kaliko van A4-grootte. Die banier moet die konferensie adverteer en die belangrikheid daarvan beklemtoon. Die individuele baniere van die VRL’e sal gesamentlik die amptelike banier van die konferensie uitmaak en sal by die konferense uitgestal word. Meer inligting oor die voorlegging van die baniere sal binnekort volg.
REËLINGSKOMITEE
‘n Reëlingskomitee wat uit twee onderwyserskakelbeamptes van elke OBOS bestaan, is saamgestel. Hierdie komitee vergader gereeld om te help met die beplanning van die konferensie.
Alle VRL’e word aangemoedig om met hulle komiteelede in verbinding te tree indien hulle meer besonderhede verlang.
Die name van die komiteelede is as volg:
| OBOS | NAAM | SKOOL |
| Sentraal |
Bennie Isaacs
Gerald Johannes |
Cape Town High School
Spes Bona Hoërskool |
| Oos |
Tony Marshall
Madoda Mahlutshane |
Strand Hoërskool
Khanyolwethu Secondary School |
| Noord |
Desmond Carolus
Arnold Smith |
Elswood Sekondêre Skool
Bishop Lavis Sekondêre Skool |
| Suid |
Howard Maggot
Anneline Carnow |
Lavender Hill Sekondêre Skool
Mondale Sekondêre Skool |
| Breede Rivier/Overberg |
Gerrit Moelich
Reginald Piedt |
De La Bat Skool vir Blindes
Langeberg Sekondêre Skool |
| Suid-Kaap/Karoo |
Vernalda Hartnick
Gaynor Treurnicht |
Sao Bras Sekondêre Skool
Groot-Brakrivier Sekondêre Skool |
| Wekus/Wynlande |
Helene Peasnall
Rose Ruiter |
Hoër Meisieskool, Paarl
Weston Sekondêre Skool |
U sal binnekort registrasievorms en verdere inligting aangaande die konferensie ontvang.
GETEKEN: J.H. HURTER
HOOF: ONDERWYS
DATUM: 2003:04:24
|