1. Om die administrasie van leerdervervoerskemas te verbeter, het die WKOD 'n verbeterde geoutomatiseerde stelsel ingevoer om die name van leerders wat tans vervoer word, te verifieer. Skole is hieroor ingelig in Inrigtingshulpbronondersteuningsminuut 0001 van 2014 en is versoek om op die Sentrale Onderwysbestuursinligtingstelsel (SOBIS) aan te dui watter leerders van graad R tot 12 tans gebruik maak van leerdervervoer wat deur die WKOD befonds word.

2. As gevolg van uitdagings wat met die afteken funksionaliteit op SOBIS ondervind is, was sekere skole nie in staat om af te teken nie. Gevolglik is die vasleggings- en aftekenproses tot 17 April 2014 verleng.

3. Skole word versoek om die instruksies in die aanlyn prosedurehandleiding te volg, om die vasleggingsproses te voltooi. Om toegang tot die aanlynhandleiding op die SOBIS te verkry, moet skole die onderstaande stappe volg:

  • Gaan na die kieslysbladsy.("menu page");
  • Hou die merker op die "Administration"-opskrif; ("Learner Transport Scheme" sal in die lys verskyn.);
  • Hou die merker op die "Learner Transport Scheme"-opsie; ("LTS guide" sal in die lys verskyn); en
  • Kliek op "LTS guide".
4. Prinsipale word daaraan herinner om te verseker dat slegs leerders wat, ingevolge die bestaande leerdervervoerbeleid van die WKOD, kwalifiseer (Omsendbrief 25 van 2013), aangedui word.

5. Waar skole meer as een roete het, moet sorg geneem word dat leerders aan die korrekte roete en optelpunt, toegeken word.

6. Skole sal slegs in staat wees om die goedgekeurde maksimum aantal leerders (Graad R ingesluit) per leerdervervoerroete vas te lê. Aansoek vir addisonele leerders moet via die betrokke onderwysdistrikskantoor op die voorgeskrewe aansoekvorm gedoen word.

7. Die vaslegging van leerdervervoerbesonderhede moet teen Donderdag, 17 April 2014 afgehandel wees.

8. Die prinsipaal van die skool word vereis om die leerdervervoerbesonderhede op SOBIS af te teken.

9. Die volgende persone kan vir bystand, met die vaslegging van besonderhede van die leerdervervoerskema op SOBIS, gekontak word:

  Keith Lackay Tel. 021 467 2327
Roderick Biscombe Tel. 021 467 2135
Dion Seekoei Tel. 021 467 2143
Rhonell de Vries Tel. 021 467 2136
Catherine Ngamlana-Jara Tel. 021 467 9244


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:04:04