| 1. |
Omsendbrief 0019, gedateer 8 April 2013, voorsien skole van `n elektroniese weergawe van die Nasionale Katalogusse van KABV-goedgekeurde handboeke vir graad 7 – 9 en graad 12. |
| 2. |
Om skole by te staan met die maak van gepaste handboekkeuses, sal die WKOD, in samewerking met die uitgewers, boekuitstallings hou by geselekteerde vergaderplekke in al agt onderwysdistrikte vanaf 13 tot 27 Mei 2013. |
| 3. |
Bylae A bestaan uit `n skedule wat die datum, vergaderplek en kontakperson vir elke uitstalling insluit. |
| 4. |
Elke uitstalling sal om 15:00 begin, met `n aanbieding oor die selektering van toepaslike handboeke, en aanlyn bestelling op SOBIS. Onderwysers sal daarna die geleentheid gebied word om die goedgekeurde boeke te bestudeer. |
| 5. |
Skole sal in staat wees om hulle KABV-goedgekeurde handboeke vir graad 7 – 9 en graad 12 via die aanlyn bestelfasiliteit, op die SOBIS, vanaf 3 tot 14 Junie 2013 te bestel. |
| 6. |
Bring asseblief die inhoud van hierdie minuut onder die aandag van alle betrokke personeel. |
GETEKEN: PA VINJEVOLD
HOOF: ONDERWYS
DATUM: 2013:04:23
|
 |