1. Terwyl die Kurrikulum- en Assesseringsbeleidsverklaring (KABV) ingefaseer word, word nuwe handboeke en werkboeke, aangepas by die KABV, geskryf.
2. Beamptes wat skole besoek het opgemerk dat handboeke wat nie met die KABV in lyn is nie ruimte in stoorkamers by skole in beslag neem.
3. Handboeke wat nie in die toekoms gebruik gaan word nie, moet in die beskikkingsregister op rekord gestel word en aan die onderwysdistrikskantoor gerapporteer word.
4. Die aanwinsregister moet dan bygewerk word om die beskikking van daardie boeke op rekord te plaas.
5. Distrikskantore mag verlof aan skole verleen om oortollige handboeke aan leerders uit te reik op sodanige wyse dat dit die nuwe handboeke sal aanvul en/of van oortollige en beskadigde handboeke ontslae sal raak.
6. Skole wat oorvoorsien is van KABV-aangepaste handboeke en werkboeke moet die aangehegte vorm voltooi (Bylae A) en terugbesorg aan die LOOM-koördineerder by hulle onderwysdistrikskantoor. (Sien die aangehegte Bylae B vir die name van hierdie beamptes.)
7. Indien ‘n skool nie die aangehegte vorm invul en terugstuur nie, sal dit aanvaar word dat die skool oor geen oortollige KABV-aangepaste handboeke of werkboeke beskik nie.
8. Bring asseblief die inhoud van hierdie minuut onder die aandag van alle lede van u personeel.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2012:08:17

Bylae A: "Excess CAPS-aligned Textbooks and Workbooks"  (grootte: 107 KB)
Bylae B: "District LTSM Co-ordinators"  (grootte: 15 KB)