1. Die nasionale Departement van Basiese Onderwys (DBO) sal werkboeke vir graad R tot 9, aanvullende Wiskunde- en Fisiese Wetenskappe-handboeke vir graad 10 tot 12, en Kurrikulum en Assesseringsbeleidsverklaring- (KABV) dokumente vir Grondslagfase en graad 10-onderwysers verskaf.

2. Die 2012-werkboeke wat aan skole gelewer sal word, is die volgende:

  • Graad R Hulpbronpakkette
  • Graad 1 tot 6 Huistaalwerkboeke
  • Graad 1 tot 9 Wiskundewerkboeke
  • Graad 1 tot 6 Engels Eerste Addisionele Taal-werkboeke en
  • Graad 1 tot 3 Lewensvaardighede-werkboeke in TLO.
3. Die werkboeke en handboeke sal direk aan skole gelewer word ooreenkomstig die volgende skedule:

  • Werkboek Volume 1: Graad R tot 9 en graad 10 tot 12 aanvullende handboeke vir Wiskunde en Fisiese Wetenskappe sal teen einde Januarie 2012 afgelewer word; en

  • Werkboek Volume 2: graad 1 tot 9 sal teen die einde van Maart 2012 afgelewer word.
4. Die KABV-dokumente sal by skole afgelewer word tydens die tydperk 9 tot 31 Januarie 2012. Skole met Grondslagfaseklasse het gedurende die opleidingsessies in Oktober CD's ontvang wat die KABV-dokumente bevat.

5. Skole sal ook die KABV-dokumente van die DBO-webtuiste kan aflaai by http://www.education.gov.za

6. Prinsipale word versoek om 'n personeellid aan te stel wat die afleweringsnota ontvang, dit kontroleer en onderteken wanneer die items in ontvangs geneem word en om te sien dat dit onmiddellik aan leerders uitgedeel word.

7. Werkboeke moet daagliks deur leerders gebruik word om die take te voltooi wat verband hou met die lesse wat onderrig is. Nasionale, provinsiale en distriksbeamptes sal aflewering en gebruik van hierdie werkboeke vanaf vroeg in 2012 moniteer.


GETEKEN: PA VINJEVOLD
HOOF: ONDERWYS
DATUM: 2011:12:08