1. Die Internasionale Vereniging van Skoolbiblioteekwese (IASL) het die maand Oktober tot jaarlikse Internasionale Skoolbiblioteekmaand (ISBM) verklaar. Gedurende Oktober 2011 sal skoolbiblioteke dwarsoor die wêreld en in Suid-Afrika biblioteek- en inligtingsdienste by skole vier en bevorder onder die tema: "SKOOLBIBLIOTEKE BEMAGTIG LEERDERS VIR DIE LEWE".

2. Internasionale Skoolbiblioteekmaand sal diegene in beheer van skoolbiblioteke regoor die wêreld die geleentheid gee om 'n dag in Oktober 2011 te kies wat hulle bepaalde situasie die beste pas ten einde die belangrikheid van skoolbiblioteke te vier.

3. Die WKOD wil skole wat onlangs hulle skoolbiblioteek begin het aanmoedig om hulle prestasie te vier deur die skoolbiblioteek in die maand Oktober (2011) bekend te stel. Laat asseblief jou distriksadviseur weet indien jy beplan om dit te doen.

4. Kyk asseblief na die aangehegte bylaes vir

  • 'n reeks voorstelle oor hoe WKOD-skole ISBM 2011 kan vier
  • nuttige webtuistes om te besoek, en
  • die amptelike weergawe van die ISBM-logo wat gebruik moet word in promosiemateriaal. (Let daarop dat hierdie logo gebruik moet word vir die bekendmaking van ISBM en nie vir kommersiële doeleindes nie.
5. WKOD-skole word uitgenooi (via hulle distrikskantore) om in te skryf vir die Skoolbiblioteek-plakkaatkompetisie deur 'n plakkaat in te stuur wat fokus op die tema: "SKOOLBIBLIOTEKE BEMAGTIG LEERDERS VIR DIE LEWE". (Sien die meegaande uitnodiging vir kriteria, kategorieë en verdere inligting.)

6. Die EDULIS-skoolbiblioteekdiens bied die volgende:

  • Koördinasie van en ondersteuning aan die ontwikkeling en gebruik van skoolbiblioteke
  • Koördinasie van en ondersteuning aan opleiding in basiese skoolbiblioteekadministrasie aan onderwysers in beheer van skoolbiblioteke
  • Evaluering en aanbeveling van biblioteekhulpbronne om geletterdheid- en gesyferdheidsprogramme te ondersteun
  • Ondersteuning en koördinering van spesiale skoolbiblioteekprojekte
  • Ondersteuning en leiding met die aankoop van biblioteekvoorrade uit die Norme-en-standaarde-fondse en eie fondse
  • Leeshulp aan onderwysers en leerders
  • Besoeke aan skole om boekpraatjies te hou
  • Bevordering van spesiale biblioteek-, geletterdheid-, lees- en boekfunksies, soos Internasionale Skoolbiblioteekmaand en Wêreldboekedag
  • Oriënteringsessies vir skoolpersoneel as deel van hulle professionele ontwikkeling
  • 'n Katalogiseringsdiens vir skoolbiblioteke.
7. Die volgende EDULIS- en distriksbeamptes kan gekontak word in verband met die dienste gelys in par. 6 hierbo:

Khosi Mabandla Skoolbiblioteekadviseur, Onderwysdistrik Metro-Oos tel. 021 900 7013
Ferdie Jacobs Onderwysdistrik Metro-Suidt tel. 021 370 2032
Janine Ontong Skoolbiblioteekadviseur, Onderwysdistrik Kaapse Wynland tel. 023 348 4657
Faith Lawrence Skoolbiblioteekadviseur, Onderwysdistrik Weskus tel. 021 860 1229
Sara Clegg Skoolbiblioteekadviseur, Onderwysdistrik Overberg tel. 028 214 7387
Jennifer Caroto Onderwysdistrik Metro-Noord tel. 021 938 3197

8. In die afwesigheid van 'n skoolbiblioteekadviseur in die Onderwysdisstrikte Eden en Sentrale Karoo en Metro-Sentraal, en in reaksie op vele versoeke van opvoeders by skole wat skoolbiblioteekadvies verlang, kan die volgende personeel van EDULIS skoolbibilioteekdienste intussen gekontak word:

Rose Damon
Theresa de Young		 EDULIS, Bellville
EDULIS, Bellville		 tel. 021 957 9626
tel. 021 957 9638

9. Die EDULIS-biblioteek bied bloklenings vir skole aan om hulle biblioteke te ondersteun. Die biblioteek is op die volgende tye oop:

Weekdae:
Saterdae:
Oop:
Geslote:		 07:30 - 16:30
09:00 - 12:00
School holidays
Public holidays and designated days


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:09:29

Voorgestelde aktiwiteite vir Internasionale Skoolbiblioteekmaand  (grootte: 38 KB)
EDULIS Plakkaatkompetisie 2011  (grootte: 42 KB)